林作唔願多作回應，仲講到明唔想件事沒完沒了。
「十優港姐」麥明詩（Louisa）與大律師男友林作以及「鴨王」何浩文的「三角關係」鬧至滿城風雨，何浩文因為不避嫌高調撐爆麥明詩，飽受網民圍剿，對於有網民質疑佢唔夠林作嚟，佢仲反擊話自己其實家底都唔錯，成家都係讀書人咁話。
財力勢均力敵
其實何浩文與林作論嘅家底同財力真係難分上下，先講林作，貴為大律師嘅佢，背後有個富媽媽，除咗送價值6,500萬港元嘅豪宅畀佢外，仲比阿仔揀價值分別百萬及數十萬港元嘅座駕。而何浩文自拍完王晶電影《鴨王》後就財源滾滾，登台邀請及電影邀約不斷，早前更揚言瞄準價值80萬的Mustang跑車作為座駕，財力都唔係差，佢自己受訪時都話：「我依家已經有能力令未來老婆衣食無憂」。除咗自給自足是可以，何浩文爹哋來頭都唔小，貴為教育局課程發展處總課程發展主任(體育)嘅何爸爸，同背後有副校長爸爸嘅麥明詩，可謂「門當戶對」，所以話「作文爭霸」絕對唔係一面倒林作贏晒咁簡單。
「費事沒完沒了」
面對何浩文嘅挑機，被睇高一線嘅林作就顯得從容不迫，被問到如何評價何浩文，他說：「唔評論佢啦。網友點講係佢哋嘅事，我都唔睇嘅。」談到何浩文指自己有高官爸爸及暗寸「律師唔好景」，林作亦未有生氣，並謂：「唔回應啦，唔講其他人啦，我都唔識佢。（律師喺香港近年唔好景？）唔想同佢開始對話啦，費事沒完沒了。」再問到是否與Louisa和好如初時，他說：「呢樣嘢就更加唔講啦。（傳分手？）唔交代啦，怕呢個話題停唔到。」似乎望以封口平息事件。
麥明詩：拍拖唔應該論賺錢能力
至於「女主角」麥明詩，則以短訊回覆指不想令事件沒完沒了故不作回應，但認為拍拖重點是相處，不需要比較職業及賺錢能力。
來源 source: http://hk.on.cc
|
鍾意就快D Share啦！
|
|
|