「大胸翠如」Larine今次到ViuTV面試，即刻被網民認出就係靚女女侍應。
ViuTV《美選D.n.A》今日再次進行面試，現年只得18歲，有「大胸翠如」之稱嘅鄧月平（Larine）憑36F、23、34索爆身材成焦點，喺鏡頭面前對自己身材充滿信心嘅Larine，平時原來都好鍾意喺instagram晒身材，上圍非常豐滿，仲有唔少粉絲追隨，又留言大讚佢「好索！」唔知係咪因為晒相晒得多，佢仲喺instagram自爆自己不停畀人「問價」，仲上載咗張私訊嘅截圖出嚟添！
被偷拍變網絡女神
另外，唔知大家仲記唔記得幾個月之前，有位網民喺銅鑼灣一餐廳偷拍咗一名身材出眾女侍應，而呢位女侍應，亦都迅速成為「網絡女神」，佢就正正係Larine喇！不過「網絡女神」唔易做，當時佢接受《東網》訪問時，就表示自己突然出名多咗好多人關注，仲有人騷擾佢，兼且透露自己細細個就因為身材出眾而經常被偷拍，為佢帶嚟好大困擾，仲話曾經要靠心理治療去克服添！未選已經咁受關注，睇嚟又一大熱喎！
來源 source: http://hk.on.cc
|
鍾意就快D Share啦！
|
|
|