勁羨慕呀！
前港姐王卓淇（Erin）日前與藝人謝東閔於長沙灣街頭為無綫劇集《全職沒女》拍攝外景，穿上背心長褲的Erin除要乘坐電單車「胸壓」謝東閔的替身外，更獻出「螢幕初吻」連咀謝東閔六次，最終謝東閔更咀到要抹嘴，認真艷福不淺！
Erin受訪時透露，因早前與謝東閔在劇集《愛情食物鏈》中飾演兄妹，故今次Erin曾擔心兩人接吻效果，會有「亂倫」感覺，她說：「因為之前同佢做兄妹，估唔到今次由兄妹變咗情人，我哋都擔心會有亂倫感覺，不過其實都冇，反而默契多咗。（緊張到NG咗6次？）因為監製想拍得完美，想我投入啲，所以先要拍咁多次。（謝東閔帶到你入戲？）係呀，佢都幫咗我多，好帶到我去入戲。」
拍攝當日，Erin眼睛通紅，她表示雙眼發炎，不過仍頂硬上，她說：「我仲頂得住，唔想請假影響拍攝。我臨拍之前仲Send咗個短訊畀謝東閔，話今日嚟傳染佢，佢仲話唔會咁容易。」
來源 source: http://hk.on.cc
|
鍾意就快D Share啦！
|
|
|