雖然電動平衡車（Hoverboard）在外國已流行一段時間，不過本地就礙於地方所限，難以推廣這種活動，所以平衡車製造商Azzita，最新就在觀塘開設達5,000呎的電動平衡車體驗場，場地內不但有由水馬圍成的賽道，還有斜台可以體驗攀爬。踩上平衡車之後，真係會未必捨得落地。唔信？試過你就知！
5,000呎場地一條龍服務
Azzita銷售Hoverboard已經有3年多，主要外銷到到台灣、美國、歐洲等地區，為了讓更多人認識Hoverboard，所以開設場地體驗，能夠畀大家體驗、購買、Showroom和維修，做到一條龍服務。Azzita場地負責人Kile表示：「賽道的長度大約100米左右，而且設有不同的彎道和直路，方便測試不同Hoverboard的特性，大約一個月左右就會移動水馬改變賽道，讓大家Keep住新鮮感。」
四款車種選擇
別以為Hoverboard只有一款，其實都有分不同Size，而場地就提供三款咁多，各有不同特性。當中最大的10吋呔Hoverboard，由於用上充氣呔，因此在凹凸地面上提供避震效能，穩定性亦是當中高，適合初學者玩。至於8吋呔車身較高，能夠上到30度的斜坡，性能亦是當中最好，而廠方在香港更擁有它的外觀專利。Size最細的7吋呔屬於經典款，特性係短距離加速較快，加上靈每度高，最適合玩花式。除了三款Hoverboard之外，場地亦提供單轆的HoverCloud，它的設計原意是在地上面滑浪，要求的平衡力要更高，相比Hoverboard較難上手。
工作人員指導新手
若然大家從來未玩過Hoverboard，場地的工作人員指導新手起步/停車等動作，Kile指出：「新手大約10分鐘內就能夠掌握基本操作，場地亦設置了兩種不同斜度的斜台，當玩家熟習後，便能夠嘗試上斜的感覺。玩到一定程度亦都可以教大家玩花式，包括單腳企的Hover Turning、坐住玩的Hover Sit Riding、雙腳站在一邊的Half Board Riding等。」
安全措施做到足
未玩過Hoverboard，都會怕跌低搞到損手爛腳，所以場地亦會提供護具，規定入場玩必須要佩戴頭盔、護膝、護肘和護腕，加上場地的柱角都有2.5cm的防護EVA包邊，這種高彈性的物料具有一定緩衝作用，做足安全措施。同時考慮到空間和空全性，場地最多可供14個人一齊玩。此外，Azzita的Hoverboard具備FCC、CE、RohS、UL、MSDS等國際認證，所使用電池亦有UN38.3認證，玩得安心又放心。
Azzita電動平衡車體驗場收費詳情
星期一至五：首半小時HK$79，之後每半小時為HK$30。包場首一小時HK$1,200，另有折扣優惠
星期六、日及公眾假期：首半小時HK$89，之後每半小時為HK$50。包場首一小時HK$1,500，另有折扣優惠
地址：觀塘開源道77號業發工業大廈一期3樓A室
查詢：3702 1160
網址：http://www.azzita.co
|
鍾意就快D Share啦！
|
|
|