【本報訊】一場無情大火奪去高級消防隊長張耀升和隊目許志傑的生命，不少曾與他們共事的同袍都痛入心扉，儘管是出入火場幾十年的老消防，接受同袍死訊都顯得十分無力，夜不能眠。
殉職的張耀升生前在消防及救護學院當導師，與他同校當教官的消防同袍至今仍極度悲痛，「當日睇住佢哋去車……冇諗過結果係咁，當晚一收到消息好愕然」。翌日訓練學校下半旗致哀，校內一片愁雲慘霧，大家無言以對，似是怕一觸及傷痛大家的情緒都會瞬即崩潰。與許志傑同局的前輩，即使目睹無數火場生死、經驗老到，但也無法接受傑仔的離去，全因18年來看着他一步步成長，心如刀割。
工會：多出於自責
有不願透露姓名的消防員稱，兩名殉職的同袍中，有人情緒出現問題，即使休班，仍會重返現場，呆站在那裏。消防處職工總會主席聶元風說，這次奪命大火的確令部份前線消防員情緒低落和抑鬱，「唔係因為驚咗救火工作，而係好多出於自責，有人覺得自己點解幫唔到手，有啲冇份去現場嘅，就好想幫班兄弟去做」。他稱已將情況向管理層反映，希望處方會關注前線同袍的情緒問題，他又強調，消防員從第一天起，已有充足訓練和心理準備去應付挑戰，「係唔會放棄信念同埋使命感」。
■記者龔蕙芝
|
鍾意就快D Share啦！
|
|
|