關公好忙！話說何韻詩最近發市被一國際護膚品牌邀請於小型音樂會獻唱，點知撐過佔中嘅阿詩一向係內地憤青嘅眼中釘，出晒力喺該品牌嘅微博留言抵制，最終呢個國際品牌都要跪低，喺fb同微博都出咗篇聲明 (新聞連結： http://bit.ly/1PwhssU)想同何韻詩釐清關係，但結果兩邊不討好，原本一班該護膚品牌嘅香港支持者，覺得堂堂一個大機構竟然咁唔尊重藝人，似乎未過橋就想抽起塊板，統統留言鬧爆。(新聞連結：http://bit.ly/1U6LJ1n)勢估唔到，以「我討厭政治」(相關連結: http://hk.apple.nextmedia.com/enews/realtime/20130730/51601943 )聞名嘅王菀之(Ivana)，竟然喺呢件咁政治嘅事，咁政治嘅時刻出手喇!晚上喺fb輕輕留咗一句:「Lancôme Bye Bye! 講完」嘩!型到呢!網民都覺得稀奇，紛紛留言:「說好的討厭政治？」、「現在不討厭政治了？」「Well said. 呢個品牌極度唔尊重artist 點可以出份咁嘅聲明同Hocc割蓆╮(╯_╰)╭ (應該係講呢件事掛？」係囉...應該係講呢件事o掛....?不過要一個藝人開口bye bye一個品牌，仲係一個國際品牌，真係要好大好大勇氣，Ivana好型呀!另外，何韻詩爸爸喺fb share咗個post，內容係一間食肆將Lancôme嘅聲明改成「關公聲明」，仲hash tag咗一句﹕「#其實我好想搵HOCC做代言㗎」。菇爹見到有人支持囡囡，所以都講聲「多謝支持」。
|
鍾意就快D Share啦！
|
|
|