掃呢頁CODE去手機

2016年7月14日 星期四

江華顏聯武野外舞鬥 麥潔文黑絲放狗 [壹週刊 - 1375] __,麥潔文,江華,M1,

戶外K麥潔文開住羅文及甄妮合唱《世間始終你好》的片段,然後高唱女音,顏聯武及江華做男音,十足戶外K一樣,好過癮。娛樂偵訊江華顏聯武野外舞鬥 麥潔文黑絲放狗大熱天時,平時好鍾意行商場歎冷氣的江華,竟然破例陪老友顏聯武去放狗,行到大汗疊細汗,熱到上腦!江華更忽然興致大發,唱住歌跳踢躂舞;同行的麥潔文亦唔輸蝕,出動黑絲襪放狗,兩公婆各有千秋。突然師父到江華去年雖然由沙頭角搬到月租$33,000的上水歌賦 ...


戶外 K

麥潔文開住羅文及甄妮合唱《世間始終你好》的片段,然後高唱女音,顏聯武及江華做男音,十足戶外 K一樣,好過癮。

娛樂偵訊

江華顏聯武野外舞鬥 麥潔文黑絲放狗

大熱天時,平時好鍾意行商場歎冷氣的江華,竟然破例陪老友顏聯武去放狗,行到大汗疊細汗,熱到上腦!江華更忽然興致大發,唱住歌跳踢躂舞;同行的麥潔文亦唔輸蝕,出動黑絲襪放狗,兩公婆各有千秋。

突然師父到

江華去年雖然由沙頭角搬到月租$33,000的上水歌賦嶺三層獨立屋,但始終離不開住慣了的新界區。

日前,記者見江華離開住所,揸車到雙魚河附近一個屋苑,泊低車後,轉頭便拖住隻狗和老友顏聯武一齊出現,至於怕曬的麥潔文,就擔住遮跟後,呢個放狗團,造型已極富娛樂性。

發福了的江華,過去的鋼條身形較乾瘦,如今長了肌肉,反而更有睇頭;與顏聯武邊行邊講,老婆麥潔文就拎住部電話四圍影相,三人沿住上水金錢路行了廿分鐘左右,才停低在路邊的涼亭抖一抖。

面對大片綠草,五十三歲的江華突然「師父到」,自娛跳踢躂舞,顏聯武亦技癢,跟住江華的步伐跳,又用電話研究網上踢躂舞影片,參考完再跳過。兩個加埋過百歲中佬,前後跳足半小時,仲好有活力。

江華開金口,氹到麥潔文開懷大笑,聽到老公音準有小問題,做歌唱老師的麥潔文即刻糾正,職業病發。

跳踢躂舞

53歲的江華,與 57歲的顏聯武在 35度高溫下,忽然興起跳踢躂舞,兩人雖然加起過百歲,但相當有活力,跳足半小時,氣都唔喘吓。

顏聯武、江華加麥潔文這個放狗團,沿住金錢路行,近日迷上黑絲誘惑的麥潔文,放狗日亦穿黑絲,勁!

搬了去上水的江華,得閒會約埋住在附近的好友顏聯武放狗。

見到江華與顏聯武即場跳舞,麥潔文除了欣賞,還不時提出意見,娛樂性十足。

對羊放 Sing

離開時,麥潔文見到一群黑羊,忍不住對着牠們運氣開聲,江華忍唔住影低「黑絲老婆巧遇黑羊」呢一幕。

對黑羊唱歌

之後三人坐在涼亭閒聊,其間用手機上網睇住片的麥潔文,突然大大聲唱「在世間,自有山比此山高……」嘩,郊野卡拉 OK,連開 K房錢都慳埋!

麥潔文做女聲,顏聯武就唱男音,唱了兩句,江華亦嚟料,結果好似開戶外演唱會一樣,好 free!唱吓停吓商量吓音準,唱完一次又一次。

回程途中,遇見一群黑羊,最近迷上黑絲的麥潔文即刻走上前,將群羊當成跟她學唱歌的學生,運氣開聲;江華則為老婆影相,放狗變野外 K,江華同麥潔文,天下無雙!

江華與麥潔文的女兒陳嗇天愈大愈標致,是位可人兒。《蘋果日報》圖片

去年底,江華一家從沙頭角搬到月租三萬三千元的上水歌賦嶺三層獨立屋。

江華出入揸 Benz,加上官仔骨骨, chok住行的台型十足,正是江華 style!

未想復出幕前的江華,近年投身保險行業,轉型成功。

月底開個唱 月底開個唱

顏聯武憑一把磁性聲音,成為電台當紅 DJ,由商台跳槽到新城,現為網台 D100大戲台台長外,亦負責 D100香港台多個音樂節目,其中唱 Live嘅《 Keep on singing》,就不時請歌手上節目同場對唱。

唱得!粉絲隨時唔少過班歌手的顏聯武, 91年被滾石唱片睇中,出過多張專輯。唱咗廿幾年,今個月底 7.31,終可在旺角麥花臣體育館開個唱。聞說有好多圈中人捧場做嘉賓,江華兩公婆都應該走唔甩

同黎明同班 江華唱過主題曲

( 1)同老友顏聯武又跳又唱嘅江華,當年曾在節目《都市閒情》做評判,狠評參賽者娃娃舜。但佢唔係得把口,真係唱到兩嘴!

( 2)老婆係歌星兼歌唱老師麥潔文,江華歌藝亦見得人。早喺佢孭飛嘅亞視劇《我和春天有個約會》已經露過兩嘴,之後過檔拍大台劇《九五至尊》,唱主題曲《彩構步》,拍埋 MV,好認真㗎!

( 3)退隱多年,就算間歇性復出,都同唱歌有關。 13年,江華應內地電視台節目《年代秀》邀請,使出比劉華更劉華嘅台風, chok住唱《你你你為了愛情》,就令班內地觀眾𠵱嘩鬼叫。

( 4)有歌癮冇戲癮,其實江華同歌手都幾有淵源。除咗有個歌星老婆, 86年讀亞視藝訓班,同屆同學就有個當年由英國回流返港嘅黎明。

1

2

4

撰文、攝影、攝錄:娛樂組


鍾意就快D Share啦!