藝人王敏德Michael是電影裏典型的英俊機師，現實中，他憑着熱誠實踐自己的機師夢。這個追了十年的飛行夢，有笑有淚，積極勵志！人生有多少個十年？Michael在獅子山下跟大家細訴如何衝上雲霄！
雙重身份
王敏德擁有高大外形及俊朗面孔，天生是吃娛樂圈飯的材料，他醉心演戲，更熱愛衝上雲霄，希望有一天能翱翔天際。2000年他考獲了機師牌，十年內為了儲下飛行小時，花了300萬港元積蓄去圓夢，終於在年多前被正式僱用為執業機師。他說：「十年前我成日望見喺半島（酒店）上面嘅直昇機起飛又降落，我覺得好有型，我希望有日自己都可以喺呢度飛。考牌之後，我申請加入Heliservices直昇機服務公司，正式接載遊客觀光，因為我同時係藝人，所以我唔係由藝人轉做機師，只係多咗個身份，公司都明白我嘅情況，所以我嘅時間表好彈性！」
王敏德當「明星機師」，引來不少客人，點名要求他親自駕駛直升機接載，Michael笑言直升機公司遂推出了一項「增值」服務，只要付出港幣15,000元便可電召其擔任機長飛行20分鐘！
感激太太支持
1998年王敏德開始進行直昇機訓練，1998年在加拿大考獲私人直昇機師牌，2000年再去美國考獲商業機師牌，經過十年的訓練、實習，終於正式成為執業機師，他說：「老婆好嬲，因為使咗好多錢，依家佢同我講，我係要賺錢嘅時候。回望過去，其實Janet（太太馬詩慧）一路都好支持我，對我好有耐性，好感激佢！」
見證良緣
問到做機師的趣事？Michael表示能夠載客人飛到半空，欣賞香港景色，是一件樂事，他也有遇過感人的故事，他笑說：「有一次，有一對男女同一個朋友一齊飛，起飛後，我哋帶住個耳機，個男士問我聽唔聽到佢講嘢，我以為佢唔想我聽，點知佢話就係想我一齊聽，原來佢同女朋友諗住喺直昇機飛行嘅15分鐘，完成結婚儀式，仲有個證婚師，我一路揸住直升機，一路聽，聽到一生一世嘅誓詞，感動到喊！」他又指有不少男士拿着一紮紅玫瑰，打算在空中向女友求婚：「我通常扮冇嘢，費事佢尷尬呀！」以自己的夢想成就別人生命中的大事，踏入另一個新階段，Michael覺得有雙重意義！
|
鍾意就快D Share啦！
|
|
|