網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年7月17日 星期日

《發字精神》(4):發哥笑老婆係豬 __,發哥,周潤發,

咁大膽?發哥竟然話發嫂係豬?周潤發與太太陳薈蓮結婚多年,恩愛如昔,若要發哥以一種動物來形容發嫂,他即不假思索,直指發嫂是「入形入格的豬」!發哥點解咁講?發嫂在場聽到又點解唔嬲?就要聽發哥的神級解釋!周潤發與太太陳薈蓮結婚多年,依然恩愛如昔,雖然發哥曾在一些訪問中自爆「我喺屋企好少出聲」,但當被問到發嫂最靚是哪個部位時,他即滔滔不絕,對發嫂這位眼中西施讚個不停!最靚對手 廚藝一流發哥說起關於發嫂的話 ...


咁大膽?發哥竟然話發嫂係豬?

周潤發與太太陳薈蓮結婚多年,恩愛如昔,若要發哥以一種動物來形容發嫂,他即不假思索,直指發嫂是「入形入格的豬」!發哥點解咁講?發嫂在場聽到又點解唔嬲?就要聽發哥的神級解釋!

周潤發與太太陳薈蓮結婚多年,依然恩愛如昔,雖然發哥曾在一些訪問中自爆「我喺屋企好少出聲」,但當被問到發嫂最靚是哪個部位時,他即滔滔不絕,對發嫂這位眼中西施讚個不停!

最靚對手 廚藝一流

發哥說起關於發嫂的話題時,雖語帶調皮,但難掩一臉幸福,他說:「周太幾時都咁靚啦,最靚咪對手囉!煮到一手好好嘅新加坡菜畀我食,出面食唔到。如果要用一種動物、一個數字形容周太,周太屬豬嘅,我就覺得佢好入形入格係豬,豬其實係好聰明!數字呀?八啦,佢鍾意八,唔係八卦個八,佢鍾意發,佢鍾意呢個八字,覺得好意頭。(包括埋周潤發個『發』?)佢諗啫,周潤幾時都發啦,哈哈哈哈哈!」

「咖喱魚頭」送幾碗飯

發哥近年積極控制飲食,保持Fit爆身形,但面對發嫂烹調出的拿手好菜,又是一次理智與感情的抉擇,他說:「譬如:咖喱魚頭,配料多到不得了,佢新鮮買返嚟舂完之後爆香佢,你可以食幾碗飯,但係當你覺得呢個咖喱魚頭,我好想食多次,你聽日再食呢,嘩!冇得頂,隔咗夜之後,個咖喱香到不得了,你攞番出嚟,少少半碗仔,可以送兩碗飯。你可以淺嘗,但係食十日都得,因為嗰啲咖喱擺得喺雪櫃愈耐,佢個味就愈香,幾時你要食嘅時候攞番出嚟蒸番佢,嗰個汁我真係送兩碗飯,不過依家我食一碗飯啫,舊陣時就食三碗,食少咗正㗎,係好正!」

神級宅男的秘密!

令發哥願意宅在家中,除了發嫂的拿手好菜,還有另一最in的原因,他說:「我喺屋企就多嘢做囉,阿太(發嫂)做唔掂嘅嘢,譬如:水龍頭塞咗、通坑渠、掃樹葉、剪吓呢啲嗰啲,電器『彎』咗咁,做晒呢啲嘢,我會上網睇好鬼多嘢,飛機大炮、音樂、資訊性嘅嘢,好多時會睇吓新發明,舊陣時好鍾意砌模型,會搵番啲模型頻道,睇吓依家啲新模型,我鍾意飛機,嗰陣時有放滑翔機,又鍾意帆船,睇外國嘅帆船賽,遙控同真正嘅帆船賽都鍾意睇,好刺激!總言之我乜鬼都睇,我好鍾意求知欲,我上網時間唔多,大約個零鐘頭,夠啦,一日睇一啲,我又唔會喺度睇睇睇睇,睇到唔瞓覺,其實上網非常方便,好多時有啲嘢你唔識,你上去睇吓之後令你知識豐富咗,非常實用,所以我鍾意喺屋企自己靜靜地去學,因為網上實在太多老師!」


來源 source: http://hk.on.cc
鍾意就快D Share啦!