藝人朱慧敏（Queenie）離開無綫後接受有線《星級會客室》專訪，當中分享破碎家庭對其成長的影響，以及與前未婚夫彭懷安（Eddie）未能開花結果的原因。父母在Queenie 2歲時便離異，令年少的她有很多困惑，她說：「從來冇人同我講過爸爸媽媽分開咗，有次媽媽同佢男朋友帶我去玩，我好困擾點解佢哋會拖手，我成日匿埋喊，內心有好多結，對我好大傷害。」Queenie自言性格倔強，並透露中學時因升學一事而與爸爸鬧翻：「我同爸爸斷絕來往二十年，直至一次阿叔返香港，我鼓起勇氣約爸爸食飯，嗰晚大家好和諧，亦解開咗好多誤會，原來溝通真係好重要。」
婆婆媽咪離世打擊大
表面樂觀的Queenie，從小由婆婆湊大，二人感情深厚，因此婆婆的離世對她打擊甚大，她說：「我記得由電梯口走到病床嗰條路，係我人生行過最長嘅路，我唔相信佢死咗，真係想即時跳樓死咗佢，因為我覺得我一無所有。（同媽媽關係如何？）當年選美期間，媽媽佢已經癌症末期，我要去外地拍特輯，我同佢喺機場狂喊，第二日娛樂版頭條話我博出位，我真係好委屈，佢哋唔知我有可能冇得再見到媽媽。」談及媽媽的離開，Queenie傷心嗚咽：「佢過身前我仲同佢鬧緊交，佢離世後八年我都唔可以原諒自己，結果患上抑鬱。不過依家已經冇愧疚，如果相信前世今生，佢可能下世做番我個女，等我還番畀佢。」
拍拖過份渴求
而曾經與歌手Eddie談婚論嫁的Queenie，最終戀情未能開花結果，她稱是歸咎於自己的問題：「以前我唔識表達愛，可能我一直喺破碎家庭長大，成日想得到更多愛。前度其實好錫我，但我依然想要更多，令到對方不能呼吸。」她強調與Eddie仍然是生意夥伴：「我哋會互相支持，但我需要調整咗自己先，並唔恐懼愛情，但亦冇心刻意找尋新感情，可能仲未遇到一個人可以令我重新投入戀愛。」
|
鍾意就快D Share啦！
|
|
|