郭藹明同老公劉青雲結婚18年，婚後佢就專做人妻，甚少現身幕前，最多都係同老公出幕頒獎禮。低調開嘅郭藹明噚日就去咗西貢市中心，48歲嘅佢索顏配身，仲keep到白滑嘅皮膚，真係恨死唔少人，其實佢曾經接受過訪問分享3招護膚心得。第一招 中醫調理
郭藹明話當年踏入三字頭身體已feel到分別，佢仲話去到四字頭就覺得體能差咗，每次捱夜之後，就算瞓番三日都補唔番。咁又點解救呢？郭藹明就話要多啲注重自己身體，佢仲話間唔中都會睇中醫調理下身子o添！第二招 按季節轉護膚品
要keep住皮膚好，護理肌膚係好重要，郭藹明就話畀大家知按唔明季節揀啱自己用嘅膚質護膚品係非常重要，好似夏天咁，就要用清爽同埋防曬度高嘅護膚品，而秋冬天氣乾燥，就要換可以滋潤皮膚嘅產品。」第三招 多飲湯水
做得人妻梗係要識得煮番幾味，而郭藹明身材非常之咁slim，睇嚟佢好有心得咁噃！不過郭藹明就話自己唔會節食，乜都會食，不過如果食得太heavy，第二日就會食得清淡啲調節吓。佢仲介紹話夏天佢最鍾意食冬瓜同鴨，秋天就食木瓜，去到冬天呢就會煮南瓜或黃耳湯。除此之外，佢仲話keep住有做運動嘅習慣都好緊要！
來源 source: http://hk.apple.nextmedia.com
|
鍾意就快D Share啦！
|
|
|