林雅詩曬到一身健康膚色，真係好靚！
藝人林雅詩（Grace）去年考獲潛水牌照，曬得一身健康膚色的Grace，日前着上三點式大解放，並順便探索海底世界減壓，她表之前因與囝囝到泰國玩水上漫步，令她萌起考牌念頭，她說：「之前帶過囝囝去泰國玩水上漫步，同時發現原來海底好靚，覺得個感覺好好，所以就考個最基本嘅牌，等我可以去潛水。」
唔參與寫真戰
去年Grace曾推出過個人寫真集，但今年卻並未再加入寫真戰，反而轉移陣地，為其自編自導的微電影推出寫真，Grace坦言今次作風大膽，並會全裸上陣，她說：「我自己想出一本關於我微電影劇照嘅小冊子，可以叫做呢部電影嘅寫真。（性感？）都幾大膽，感覺同藝術方面係大膽，用一張相係形容我當時嘅心情，可能係黑白，可能係全裸乜都冇嘅，想講我乜都冇晒，帶出無助嘅感覺。（幾時出？）準備緊！」
飽受婚變之痛
Grace過去飽受婚變之痛，問到她的寫真是否會以傷心感覺為主題？她坦言：「會嘅，唔開心同無助為主多，現實我係有啲唔開心。」提到與老公溫文英離婚一事可有進展？她說：「努力解決中，前排都上咗庭，全部嘢交咗畀律師處理。（囝囝知道？）囝囝知道，因為都要畀個心理準備佢，佢都有問搞成點，我都會畀佢知，但太深入嘅嘢就冇講，驚佢擔心。」
拍拖要睇囝囝頭
視囝囝如命的Grace，對囝囝愛錫有加，即使要為囝囝封盤不再談戀情，Grace亦並無所謂，全因是希望以囝囝的意願為先，她說：「感情事唔想再諗，因為囝囝都唔係好想我拍拖，佢有次問我：『咁我係咪你男朋友？』我就話：『係呀，咁你以後就會保護媽咪。』諗起都好好笑，但其實係好窩心。」
潛水用品：海森林活動訓練中心
化妝及髮型：Natalie Wong＠T.C.W. studio
來源 source: http://hk.on.cc
|
鍾意就快D Share啦！
|
|
|