洪卓立笑言對被誤傳死訊已經慣晒。
洪卓立與湯怡拍拖睇《捉鬼敢死隊》星群優先場。洪卓立踢爆女友怕睇鬼片：「試過大班朋友上屋企玩兼睇鬼片，點知嗰晚瞓覺就大件事，有人揮拳，我無端端畀人打，最慘係佢瞓到好冧！」
贏羅樂林幾條街
談到早前再次被誤傳死訊，洪卓立苦笑：「佢（女友）都慣啦，又唔係第一次。有朋友攞我同羅樂林比較，我覺得單日死嘅次數唔夠佢多，但加埋就一定贏佢幾條街！」湯怡則直言與男友失聯一晚，所以擔心：「佢去咗朋友屋企打機，返到嚟咪話佢囉，叫佢以後記得帶後備電，唔好再因為電話冇電搞成咁。」
貝安琪就快有嫁期
同場貝安琪則與男友Simon及母親同行，但見其母與男友關係不錯。她冧爆說：「同Simon其實識咗十幾年，大半年前去完朋友婚禮就開始。（媽媽催婚？）都有嘅，我諗都快吊喇，但唔知幾時。」原來Simon職業為「fashion marketing」，對時裝素有研究，與貝安琪有相同嗜好：「平時我衣着佢都有畀意見。（唔鍾意你性感？）唔會喎，佢反而好喜歡添。」
另外，陳婉衡則與男伴同來，但否認對方是追求者：「佢其實係我健身教練，好兄弟嚟嘅。」她透露稍後會到斯里蘭卡拍攝旅遊節目：「聽聞有水上活動，所以免不了著泳衣。今年我著泳衣次數多過著睡衣，都買咗十幾套以備工作需要。」她笑言自己對泳衣款式很有研究：「知道應該著邊套去曬太陽唔留印，又知應該著邊套做嘢先唔會走光。」
來源 source: http://hk.on.cc
|
鍾意就快D Share啦！
|
|
|
