2016年7月21日 星期四

頂鄭希怡打 G1格鬥 余曉彤 20磅女兒當啞鈴舉 [壹週刊 - 1376] __,鄭希怡,M1,

探熱針頂鄭希怡打G1格鬥 余曉彤20磅女兒當啞鈴舉34歲的鄭希怡原本打算出戰9月進行的ViuTV《G-1》格鬥會第二季賽事,但因要去上海拍劇,加上身邊冇人支持,最終放棄。Yumiko唔玩,ViuTV於是搵另一人母余曉彤(Hidy)頂上。每日打完泰拳再練巴西柔術,返到屋企,再將20磅囡囡當啞鈴咁舉,仲話有老公撐住打,冇有怕。錯過第一集有四分一西班牙血統,現年二十八歲的余曉彤,10年挾住「翻版徐子淇」 ...


探熱針

頂鄭希怡打 G1格鬥 余曉彤 20磅女兒當啞鈴舉

34歲的鄭希怡原本打算出戰 9月進行的 ViuTV《 G-1》格鬥會第二季賽事,但因要去上海拍劇,加上身邊冇人支持,最終放棄。 Yumiko唔玩, ViuTV於是搵另一人母余曉彤( Hidy)頂上。每日打完泰拳再練巴西柔術,返到屋企,再將 20磅囡囡當啞鈴咁舉,仲話有老公撐住打,冇有怕。

錯過第一集

有四分一西班牙血統,現年二十八歲的余曉彤, 10年挾住「翻版徐子淇」外號出寫真集,之後由𡃁模轉型做打女,拍過兩部電影《爆 3俏嬌娃》及《辣警霸王花》後,去年因為大肚暫時停工,今次參加《 G-1》格鬥會第二季賽事,是生 B後首度復工。

「監製第一集都已經搵過我,但當時有咗 BB,好可惜。決賽嗰日去睇 Hazel(唐紫睿)對思琳,監製話開個挑戰賽俾我,咁就成咗事喇。」 Hidy說。

新一季本來 Yumiko亦會落場,不過因為要北上拍劇,身邊人又怕她受傷反對,更有朋友專登傳些囡囡梁浸浸的相給她,用盡方法要她退賽。

「唔同人諗法唔同,我由細到大做開運動,做媽咪係我其中一個角色。當投入專注做一件事時,唔可以顧慮太多。今次係為自己而打,就要放低其他身份,心態緊要過體能,意志緊要過所有嘢。」

據知,第二季的賽事除了上季冠軍唐紫睿參加外,龍小菌、郭思琳及鄧穎芝亦會參加復活賽,為了有最佳表現,現時 Hidy每日跟教練學泰拳一小時,跟住再上巴西柔術堂一個鐘。

Hidy希望在新一輯的 G1格鬥打出名聲,更渴望與其他對手切磋較量。

Hidy一直對巴西柔術有興趣,加上本身愛運動,所以打起上嚟,有姿勢有實際。

第一季 G1格鬥成功製造話題,收視不錯。

ViuTV曾邀 Yumiko參加第二季 G1格鬥,當時 Yumiko亦有試玩泰拳,對參賽有興趣。

Yumiko試過帶梁浸浸睇自己打拳,最後選擇不參賽,是因為沒有充足時間受訓,及身邊無人支持自己。

八個月大 B女夠重秤

八個月大的囡囡 Willa已經重二十磅, Hidy笑言自己平時會當她啞鈴咁舉,齊齊做運動。

「佢夠重!有時仲會抱住佢做 sit up,兩母女一齊做運動。決定參加 G1,老公淨係問咗我一句『吓,你搞啲咁嘅嘢?』之後就緊張到日日搵啲相關嘅片叫我睇,留意落場打有啲乜嘢絕技。老公嘅支持好緊要,如果佢唔支持我,我會打得冇咁開心。」

復出第一擊就要硬砌,今年尾, Hidy還會參與電影拍攝,繼續發展她的打女精神。

「我鍾意運動又喜歡拍戲,能夠將兩者結合,做動作演員幾好呀!」 Hidy說。

未生 BB前, Hidy以打女涉足影壇,拍了兩部打片。

《爆 3俏嬌娃》

《辣警霸王花》

Hidy與老公劉健明拍拖五年後結婚,去年更誕下 B女 Willa。

Hidy每天都會抱住 Willa做運動,更會當女兒是啞鈴咁舉。

六年前, Hidy以「翻版徐子淇」稱號出寫真集做𡃁模。

撰文、攝影、攝錄:娛樂組

場地提供: FFG Material Arts& Fitness Center

髮型: Daniel@amarone salon


鍾意就快D Share啦!