掃呢頁CODE去手機

2016年7月21日 星期四

煲呔曾兄弟飯局 徵用三個 G4護駕 [壹週刊 - 1376] __,煲呔,曾蔭權,M1,

逢週末都會同老婆鮑笑薇(箭嘴)返香港嘅煲呔,趁週日晚同大班親友飯聚,包括細佬前一哥曾蔭培。同你吟一吟煲呔曾兄弟飯局 徵用三個G4護駕被ICAC正式落案,起訴兩項身為公職人員行為失當嘅前特首曾蔭權,年過七十孭住單長命官司,有排搞。退休後返咗內地長住嘅煲呔,幾乎每個週末都會同老婆返香港一轉,探孫同去教堂;有個星期日晚,《壹》仔撞到佢約咗大班親戚,十幾廿人包括細佬、前一哥曾蔭培去咗中環馬車會開飯,六點幾 ...


逢週末都會同老婆鮑笑薇(箭嘴)返香港嘅煲呔,趁週日晚同大班親友飯聚,包括細佬前一哥曾蔭培。

同你吟一吟

煲呔曾兄弟飯局 徵用三個 G4護駕

被 ICAC正式落案,起訴兩項身為公職人員行為失當嘅前特首曾蔭權,年過七十孭住單長命官司,有排搞。

退休後返咗內地長住嘅煲呔,幾乎每個週末都會同老婆返香港一轉,探孫同去教堂;有個星期日晚,《壹》仔撞到佢約咗大班親戚,十幾廿人包括細佬、前一哥曾蔭培去咗中環馬車會開飯,六點幾食到八點幾先散。

一日未證明有罪,一日都係清白!所以,煲呔依舊享有特首卸任後應有待遇;例如當晚,就有三個現役 G4, on duty保護佢。除非,俾老廉 KO咗啦,否則, G4一世招呼!

出席私人活動,煲呔都要求三個 G4出動,鑽石形保護。

出入仍然可以用 AM車,仲有 G4護駕,嗱嗱嗱,上車前,其中一個 G4(黃圈)就用手隔開喺煲呔身邊經過嘅南亞裔人。

撰文:八珍


鍾意就快D Share啦!