周海媚(海味)2003年為咗細佢7年嘅建築師男友，放棄香港事業移居北京，海味早年上大陸節目講到相識經過，佢直言係一見鍾情，當時男友將寫上自己個名嘅紙巾遞畀佢，令海味覺得呢個男人好特別，第一次拖手時，海味仲有觸電嘅感覺，用浪漫嚟形容呢段愛情，雖然拍咗拖十幾年，不過海味冇諗結婚問題……海味亦唔想影響對方工作，所以感情事好低調……可惜海味噚日自爆分訊，最終都係相處唔到!!!現年49歲嘅海味噚晚去台灣出席護膚品牌活動，以性感黑色透視低胸look現身，確係名副其實嘅「美魔女」，狀態唔錯，當被問保養同愛情係唔係有關聯？佢就自爆同男友分咗手，恢復單身，但佢冇太傷心，佢坦言現在雖然冇追求者，但係每日有家中嘅狗狗在「追求」，問到佢接唔接受新戀情，海味只想隨遇而安，冇任何期待。海味經理人今日透過短訊回覆《蘋果》表示：「感激大家的關注，但今年初海媚剛成立了自己的工作室，目前精力都放在工作上。分手之事，相信大家都是成年人，一定也是經過思量，做了最好的決定。」
來源 source: http://hk.apple.nextmedia.com
|
鍾意就快D Share啦！
|
|
|