踏入農曆7月，相傳這個月陰間鬼門關大開，大量無主孤魂會趁機回到人間「自由行」，因此陽間人於此時節應盡早回家，以免撞到「污糟嘢」。如果夜闌人靜仍流連街上，難免令人覺得四周陰風陣陣，背後「有嘢」。近日就有網民熱議，指元朗一間裙掛店地舖擺放了一對穿着中式裙褂的櫥窗公仔，加上詭異燈光，深夜時分經過就如看見恐怖電影中的「鬼新人」，令人打從心裏「寒一寒」。東網記者於是前往該店，拆解到底為何咁驚嚇！
記者於日間抵達店門前，便看到玻璃櫥窗內有一男一女的假人公仔，分別穿着中式新郎及新娘服裝。假人公仔為灰黑色，面部沒有五官，只得「新郎」近咀部位置有少量花紋，「新娘」則是面目模糊，另有一個同樣穿着中式衫的小童公仔放在「新娘」旁邊，櫥窗有3至4盞射燈，以及一盞水晶燈襯托裙褂。晚上店舖關門後記者再折返，只見店內已漆黑一片，餘下櫥窗白、黃、藍色的燈光映照着3個假人公仔，驟眼望見確有可能被嚇一跳。
一腳踢籌辦婚禮、擁有多年拍攝婚照經驗的店舖負責人Alex，看過網傳的相片和片段後，認為有可能是拍攝者的相機設定出錯，才出現以上的「驚嚇照」，「可能係影嗰時個白平衡set錯咗，我哋舖頭個燈都唔係咁藍，其實係黃色為主，用暖色嘅，本來係想表達件衫好靚好閃好新。」他又指，部分新一代對裙褂認識不多，或會因而心生恐懼，令本來手工精美的裙褂被形容為「得人驚」。
事實上，該店紮根元朗售賣手工製中式裙褂已有45年，常與不同影視名人合作，現於灣仔及尖沙咀均有分店，而元朗總店裝修後，櫥窗設計就一直維持已至少5年，Alex指是首次聽到有人認為櫥窗的燈光詭異，而櫥窗展出的裙褂會定時轉換款式，因裙褂如長期受陽光及射燈照耀就會變黃。Alex又透露，店舖暫未有計劃重新調較燈光，認為一旦更改則有可能影響產品效果，而且各人對於「美」的觀感不同，「每個人鍾意嘅嘢都唔同，我哋好歡迎大家畀建議，不過就希望網民下次影嘅時候，可以幫我哋影靚啲」
|
鍾意就快D Share啦！
|
|
|