好喇，千嬅姐姐同坤哥講完一輪人生道理，就話喇﹕「我準備走喇！」坤哥問﹕「吓你走喇？」千嬅回佢﹕「唔通我陪你去慶功呀？」坤哥再問千嬅係咪趕時間，千嬅即刻話﹕「嘩！你講啲咁嘅嘢，大人大姐講啲咁嘅嘢，答你趕又唔大方，答你唔趕又話虛偽，咁你想我點吖？」坤哥話﹕「我諗住你喺到陪住我唱首歌。」千嬅再話﹕「嘩！仲話叫我陪你唱首歌，你知唔知我收好貴㗎？頭先喺台底聽你哋講嘢話咩咩戀人，我仲心諗好心你講嘢講快啲啦。」千嬅同坤哥講﹕「越講得多嘢就越危險，如果你下次再開就好易出事㗎喇！」之後問坤哥跟住唱咩歌，話﹕「你知我記性唔好又唔認得字，四面個mon又熄咗。」見千嬅真係話要走喇，坤哥就話:「想你俾我扶住。」千嬅問﹕「你諗住點呀？」坤哥答佢﹕「你俾我扶你離開。」千嬅即刻話佢﹕「啋瘟你，你企開啲就得喇！」之後喺升降台離開。坤哥話自己其實細細個就儲千嬅嘅閃卡，好多謝千嬅嚟做我演唱會嘉賓，最後完騷時，坤哥多謝觀眾，話﹕「下次我會儲夠30首歌先開騷，多謝大家！」
| 攝影：陳順禎 |  千嬅姐姐同坤哥講完一輪人生道理，就話喇﹕「我準備走喇！」坤哥問﹕「吓你走喇？」 |  |
 千嬅回佢﹕「唔通我陪你去慶功呀？」 |  坤哥話﹕「我諗住你喺到陪住我唱首歌。」千嬅再話﹕「嘩！仲話叫我陪你唱首歌，你知唔知我收好貴㗎？」 |  坤哥答佢﹕「你俾我扶你離開。」千嬅即刻話佢﹕「啋瘟你，你企開啲就得喇！」之後喺升降台離開。 |
 |
來源 source: http://hk.apple.nextmedia.com
|
鍾意就快D Share啦！
|
|
|