蕭正楠真係要做番啲嘢喇！
之前黃翠如同洪永城喺新加坡出席頒獎典禮，二人手拖手行紅地氈時，獲網民激讚二人好Sweet同登對，不過當時兩人已經各自有另一半。黃翠如已有男朋友蕭正楠，而洪永城就已經有唐詩詠，當時洪永城仲話對翠如「我對佢付出咗無限咁多嘅愛」，可惜翠如就揀咗蕭正楠，搞到差啲變成四角戀！
近日黃翠如同洪永城為劇集《我瞞結婚了》再度合作，喺劇中仲會有感情線添！尋晚翠如同洪永城已經開始拍劇喇，翠如喺微博上載同成大班工作人員加埋洪永城喺 摩天輪影相，似乎喺呢個咁浪漫嘅摩天輪拍攝！
蕭正楠見到張相，之刻喺微博留言：「幸福摩天輪。」公開呷醋？點知呷醋唔成功，仲畀來翠如公開投訴：「邊個話帶我去？」睇嚟蕭正楠係咪要做番啲嘢先得呢？
來源 source: http://hk.on.cc
|
鍾意就快D Share啦！
|
|
|