大台唔單止小生花旦缺人，最近連中坑都缺貨，新人請唔到，惟有向舊人招手，早排大台就搵嚟56歲吳岱融幫手，吳岱融係邊個？師奶觀眾應該記得，佢原名吳槐岸，88年佢同梁朝偉拍過《絕代雙驕》，劇中飾演靚仔花無缺(當年吳岱融絕對係男神)。吳岱融原本喺大台前景都唔錯，不過之後越撈越霉，最後佢把心一橫接拍三級片。拍《孽殺》嗰陣，仲同老婆鍾淑慧撻着，喺《替天行道之殺兄》中，更挑戰三級極限露下體上陣。吳氏伉儷，堪稱三級片界嘅色慾鴛鴦。雖然早年吳岱融講過，話喺大陸拍一套劇，收入等於香港拍一年，不過北漂開嘅佢，近年忽然回巢，喺之前播嘅《刀下留人》做final boss，o依家又喺新劇《我瞞結婚了》同陳煒做忘年夫妻。喺大陸打滾多年嘅吳岱融，由以往嘅靚仔小生，變成如今白髮蒼蒼，面上額上多咗幾條歲月紋，所以就算本身知吳岱融呢個人，都真係要望多兩眼，先至認得出係佢！
來源 source: http://hk.apple.nextmedia.com
|
鍾意就快D Share啦！
|
|
|