就算有個好拍擋，但以獨立人士出戰立法會選舉，總是較蝕底。出戰九龍西嘅李泳漢今日接受《蘋果》電話訪問時話：「好似啲旗俾人拆晒，入屋郵寄嗰啲都仲未搞得掂，我印咗29萬份，因為冇人幫手黐郵票同寄信，真係好慘。有啲義工都好幫手，好似企街站嗰陣了解咗依家情況，就自動請纓做義工，呢啲真係好多謝。不過始終冇錢俾人，呢啲人情卡又可以碌到幾多次呢？所以好多嘢真係好有限，我相信喺15個人裡面，最窮嗰個係我。」唔知今次參選，又有冇得到父母支持？點知佢話：「鼎爺一直都冇打過嚟，我之前都同其他人講過，佢係有第二個家庭，佢嘅家庭唔係好鍾意我，我亦都唔鍾意佢嘅家庭，所以真係唔係好方便。」有冇失望呀？佢話：「冇乜失唔失望，佢由細到大都唔係點理我，所以冇乜感覺。」至於媽咪方面，佢話：「其實我嘅立場又唔係好想拖佢落水，費事佢俾人鬧，但係媽咪話唔得，費事到時俾人話連屋企人都唔支持，所以佢都有落過街站幫我派，有啲Poster都俾我擺佢啲相。」
九龍西候選名單：
蔣麗芸、梁美芬、狄志遠、黃碧雲、毛孟靜、譚國僑、黃毓民、吳文遠、劉小麗、朱韶洪、何志光、李泳漢、林依麗、關新偉、游蕙禎
( http://hk.apple.nextmedia.com/legco2016/region )
來源 source: http://hk.apple.nextmedia.com
|
鍾意就快D Share啦！
|
|
|