《港姐任你Like2016》陳雅思劉穎鏇互劈搶票
【陳永峯日本直擊】《東網巨星》去年推出《2015香港小姐》民選投票《港姐任你Like》反應相當熱烈，今年再接再厲，在Facebook推出《港姐任你Like2016》，並分兩階段進行，各位巴絲可以一覽候選港姐的靚樣、Profile、自我介紹短片等，齊投選心水佳麗！眾佳麗除於《港姐任你Like2016》錄影「自我介紹」短片發力「搶Fo」外，昨日在日本拍劍道外景亦惡鬥連場，兩大熱門(2)劉穎鏇與(7)陳雅思更打到見紅，為奪好成績搏到盡！
《2016香港小姐競選》掀起全城熱話，最強娛樂資訊App《東網巨星》昨日於Facebook推出《2016香港小姐》民選投票《港姐任你Like2016》！投票共分兩階段進行，第一階段為「巴絲心水」、第二階段為「最佳演繹」，總結兩回合票數，得票最高佳麗將成為今年《東網巨星》的民選港姐！「巴絲心水」已於昨日開始，並將於8月30日晚上7時截止，第二階段「最佳演繹」緊接推出，大家可在該階段看到眾佳麗施展渾身解數演繹特別之長，再一次投選自己喜愛的佳麗，為心水佳麗打氣。
定期直擊走勢
「巴絲心水」昨日推出，大家可從自我介紹短片加深對佳麗認識，只需於心水佳麗的相片按讚即可，簡單、快捷，更可留言為佳麗打氣！而是次投票最大好處，當然是「任你Like」，就算10個都係你心水，各位都可以隨心所欲想Like就Like！此外，《東網》和《東網巨星》亦會定期update候選佳麗走勢，讓「巴絲」們參考！
《港姐任你Like2016》推出，佳麗們展開網上之戰外，昨日於日本拍攝劍道外景，亦有連場惡鬥，兩位大熱佳麗，擁有34.5D震撼身材的(2)劉穎鏇與擁有豐富選美經驗的(7)陳雅思，拍攝時劍來劍往，打得極之認真，最終兩人更互劈致掛彩收場，齊齊見「紅」！劉穎鏇擦損手指，陳雅思則被割傷手掌，需貼上膠布止血。兩人受訪異口同聲表示「唔太痛」，劉穎鏇直言拍攝時「驚驚」：「打人都驚o架，唔想傷害到佢，所以唔敢太大力。」
真打效果更佳
談到齊齊掛彩，劉穎鏇續說：「唔小心，個位打得唔準，皮外傷啫！」陳雅思則直言認真打先靚：「都有就住嚟打，唔太痛，但其實要認真打先拍得靚，導演都叫我哋唔好保留。」兩人不約而同希望有機會嘗試做打女！因日本劍道場需要跪坐，劉穎鏇與陳雅思都有長時間跪坐等埋位，問兩人可有跪到腳痹？劉穎鏇說：「跪都辛苦，都有少少腳痹！」
網址：http://on.cc/MISSHK2016
|
鍾意就快D Share啦！
|
|
|