梅媽(左)要求一次過索取約7100萬港元。(龍偉樑攝)
已故樂壇天后梅艷芳的母親覃美金「梅媽」今日再到高院，就生活費問題向法庭陳詞。據法官庭上透露，梅艷芳生前成立的信託基金，現時資產有7500萬港元，梅媽現要求一次過索取約7100萬港元。
梅媽在庭上埋怨梅艷芳去世多年，法庭和滙豐信託都拖延她取回女兒財產，認為「逐個月畀生活費就係拖住我」。她指要「買番個竇，唔要成日搬屋」，又說自己「怕火燒」，所以「要買撻地」。她又聲言，「啲錢使晒係我嘅事，我踎街係我嘅事，病我就去公立醫院」。她亦斥滙豐「連阿梅嘅底褲都要攞去賣，嚟籌錢畀我」是失職。
聆訊中法官亦曾引述兩名醫生的報告，醫生預計梅媽還有10至15年壽命。梅媽指醫生有責任保證其生命，法官就回應指難以做到，但指「醫生嘅估計應該準過睇相佬」，若日後梅媽花光錢財，也不可能要醫生去負責。法官指，在決定如何供養她時，要考慮如何避免她老來無所依，現時梅媽每月有20萬港元生活費，放膽估計1年要400萬港元，10年也只是4000萬港元，且滙豐會將錢用作投資，用光的機會不大。
法官表示，關於梅媽的醫療費用，他傾向要實報實銷。至於生活費是按照現時般按月發放，還是一筆過發放，就要詳加考慮，故決定押後案件，另定日子以書面方式宣告決定。
來源 source: http://hk.on.cc
|
鍾意就快D Share啦！
|
|
|
