趁着暑假尚未完結，都要去一次船P（遊船河）抓住夏天的尾巴，不過次次船P都係玩Wakeboard、香蕉船，玩得多都嫌悶。有遊艇租賃網站Holimood近期就新到船P水上遊戲，包括三人齊玩的太空船、二人Fun享的360飛船，以及一人快飆的火箭，全部都係由快艇拖住玩，絕對玩到High爆。
先講講可以供最多三個人齊齊玩的太空船，遊玩時可讓兩人站立、一人趴着，又或者全部趴着都可以，總之取得平衡就可以。模特兒試玩後表示：「玩太空船整體重心要靠後，前面才不會入水，當轉彎或急停時，太空船會在水面彈跳，需要整個身體傾側才能平衡。最重要是太空船有別於Wakeboard，完全毋須任何技巧，即使沒有運動細胞都玩得到。」
至於外形好像艇仔的360飛船，既然稱得上「360」是因為它沒有分前後左右，任何一面都可以是前面，而360飛船可以供兩個或一個人坐上去，試玩開始時兩個模特兒都捉得好緊，行直線慢慢加速都不成問題，不過一轉個大彎立即翻轉，結果當然是濕身。模特兒玩後指：「兩個人玩好難夾到平衡，因此一旦坐上去就好易翻轉，相反一個人玩時就定得多，玩落恍如駕駛水上電單車，不過水花會迎面湧過來，所以需要將重心移後。」
最後就要試玩火箭，充氣後着上身猶如小露寶，即使裏面穿着救生衣都可以照樣套上去，浮水力十足，而玩家雙手亦需要抓實浮板，讓快艇拖住走。模特兒表示：「這款遊戲是當中最刺激、最好玩，遊玩時猶如在水上飄，高速飛馳營造到滑翔效果，再加上快艇會不停濺起浪花，有時甚至會成個人拋起，相當過癮。」
Holimood網站提供多款遊艇套餐可選，但夏天的船期經常爆滿，建議假日預早一至兩個月預約，而閒日的船期比較鬆動，有期即可預約。如今次介紹的遊艇套餐（編號：WT01D），當中已包括快艇、滑水、香蕉船、獨木舟、飛碟、三角形充氣滑梯等，想玩太空船、360飛船和火箭則需要額外收費。
WT01D超激玩水遊艇套餐：
20人或以下：HK$6,800，其後每位+HK$200（逢星期一至五）
25人或以下：HK$11,000，其後每位+HK$350（逢星期六）
25人或以下：HK$12,000，其後每位+HK$350（逢星期日及公眾假期）
額外收費活動：火箭+HK$500、360飛船+HK$500、太空船+HK$800
網址：http://yacht.holimood.com/property/28/
|
鍾意就快D Share啦！
|
|
|
