掃呢頁CODE去手機

2016年8月12日 星期五

里約奧運:【里約奧運】8年前怕醜合照 8年後砌低偶像! __,里約奧運,奧運,

施古寧(右)要挑戰菲比斯。(美聯社、互聯網圖片)成日都話莫欺少年窮,今日你可能係弱雞豆丁,但未來可能係世界冠軍!新加坡21歲天材泳手、個樣勁有彭于晏Fell嘅施古寧,8年前只係個矮細四眼仔,同偶像菲比斯影相時一面靦腆;估都估唔到8年後,施古寧喺里約奧運同偶像喺池上決戰,於100米蝶泳預賽同準決賽都擊敗菲比斯攞第1。佢講到明要贏金牌,攞銀、銅都唔會開心!100米蝶泳預賽,施古寧同菲比斯同場較量,最終 ...


施古寧(右)要挑戰菲比斯。(美聯社、互聯網圖片)

成日都話莫欺少年窮,今日你可能係弱雞豆丁,但未來可能係世界冠軍!新加坡21歲天材泳手、個樣勁有彭于晏Fell嘅施古寧,8年前只係個矮細四眼仔,同偶像菲比斯影相時一面靦腆;估都估唔到8年後,施古寧喺里約奧運同偶像喺池上決戰,於100米蝶泳預賽同準決賽都擊敗菲比斯攞第1。佢講到明要贏金牌,攞銀、銅都唔會開心!

100米蝶泳預賽,施古寧同菲比斯同場較量,最終施古寧以51.41秒攞到第1名,菲比斯就游出51.60,齊齊殺入周六舉行嘅決賽。菲比斯入決賽易過借火,但施古寧就已為新加坡創造歷史,成為佢哋第1個打入奧運游泳項目決賽嘅運動員!施古寧賽後話:「我感覺唔錯。準決賽嘅意義,就係造出足夠嘅成績打入決賽。到依家,我淨係想贏金牌,就算破到世界紀錄,但只係攞銀、銅牌都係冇意義。」

施古寧今日講得出呢番勁霸氣嘅說話,但8年前佢只係個13歲豆丁,興高采烈到池邊搵偶像菲比斯。為備戰08北京奧運,菲比斯去咗新加坡備戰,見到施古寧,都好NICE咁同呢個小Fans合照。菲比斯一定唔認得佢啦,但今屆決賽後,可能施古寧就會畀全世界認識。

新加坡不嬲唔係游泳強國,施古寧橫空出世,令當地市民開心到震,總統陳慶炎都公開恭喜佢:「一場游泳比賽,眨吓眼就過,運動員長年累月訓練就係為咗呢幾十秒。恭喜施古寧有機會同世界頂級高手對戰,我聽日一定會睇決賽。」


來源 source: http://hk.on.cc
鍾意就快D Share啦!