2016年8月23日 星期二

王祖藍:勁受細路歡迎 「藍男」父母癮大爆發 __,祖藍,王祖藍,李亞男,藍男,

點解王媽媽會咁嘅?藝人王祖藍和老婆李亞男與元岡幼稚園一班小朋友到迪士尼一日遊。期間,有小朋友明顯有追看中午重播的無綫劇《老表,你好Hea!》,遊玩期間不停追問劇情,令祖藍哭笑不得,之後兩公婆又各自抱抱小朋友,實行一過父母癮。爆媽咪抗拒湊B對於祖藍被指一年內斥資逾7,000萬買樓,他即謂:「換樓咋!冇咁多!」又謂新居與之前居所(雅景花園)價錢相差不大,所以只補了少少差價。問到該「差價」對他來說是否只 ...


點解王媽媽會咁嘅?

藝人王祖藍和老婆李亞男與元岡幼稚園一班小朋友到迪士尼一日遊。期間,有小朋友明顯有追看中午重播的無綫劇《老表,你好Hea!》,遊玩期間不停追問劇情,令祖藍哭笑不得,之後兩公婆又各自抱抱小朋友,實行一過父母癮。

爆媽咪抗拒湊B

對於祖藍被指一年內斥資逾7,000萬買樓,他即謂:「換樓咋!冇咁多!」又謂新居與之前居所(雅景花園)價錢相差不大,所以只補了少少差價。問到該「差價」對他來說是否只是「散銀」,祖藍即笑謂:「傾盡全力呀!」他們又表示現在既可過二人世界,又可以方便照顧媽媽,感覺很好。問見到小朋友會否萌生生B打算,李亞男表示想享受多一會二人世界,祖藍亦笑指媽咪不想他們太早生B:「佢驚有份湊!」

避談嘉欣生B

談到盛傳好友鍾嘉欣已經生B,王祖藍即謂:「我真係唔知!」李亞男則說:「等佢本人公布」他們又謂上星期有與對方隔空聯絡,但沒有問過對方幾時生B。問嘉欣生B後會否赴加國探望好友,李亞男就指若對方邀請一定會去:「都想睇吓個BB!(仔定女?)等佢講」

講到拍檔王寶強「綠帽」事件,王祖藍即指希望事件大事化小、小事化無:「私底下我哋都互相撐對方,唔需要提太多,畀啲空間佢處理。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...