陳浩民同大陸妻蔣麗莎（Lisa）五年抱四，Lisa今年3月底又生咗細女，兩公婆成日喺社交網晒溫馨家庭樂，全職主婦嘅Lisa好緊張家人健康，廚藝了得嘅佢不時會親自為家人炮製美食，全家食好西!Lisa前日又技癢下廚，喺紅磡屋苑樓下一間超巿買餸，諗住回家就開工煮飯o氹老公陳浩民，咁啱呢排浩民喺大陸開完工返咗香港，點知Lisa打開包啱啱買嘅雞肉，準備洗咗就煮嚟食，真係嚇咗佢一跳，包雞肉出現異物，Lisa立即拍片po喺facebook分享，清楚見用保鮮紙包裝好嘅雞肉，盒裡有小昆蟲，小昆蟲仲好生猛郁吓郁吓，Lisa留言鬧爆：「超市太嘔心了…有活蟲子在雞肉裡面來回爬！」短片中見到包雞肉原價係19.9元，但包裝上貼咗黃色減價標貼，減到10蚊，雖然佢買減價貨都要符合衛生標準，未知小昆蟲係唔係包裝嗰陣飛咗入去，令Lisa買呢包雞肉，就附送咁嚇人「贈品」。《蘋果》今日打番畀Lisa，佢透過WeChat回覆：「呢包雞肉喺我家樓下間超巿買嘅，本來想煮咖喱雞，現在沒有用雞肉了……」見到呢包雞肉，Lisa最後就掉咗佢，為家人健康安全着想，當然唔會煮食。突然間少咗材料，好彩Lisa屋企都有買多咗其他餸，咁就唔會唔夠食。Lisa認為超巿賣食物畀巿民，當然要令人食得安心又放心，佢話：「超市需要嚴謹認真的做食品安全監管，消費者才會買得放心。」
來源 source: http://hk.apple.nextmedia.com
|
鍾意就快D Share啦！
|
|
|
