2016年8月23日 星期二

大劉甘比嚴陣包兩行睇戲 鎖電梯圍欄闢通道 __,甘比,劉鑾雄,大劉,

大劉甘比嚴陣包兩行睇戲 鎖電梯圍欄闢通道【皇室堡】現年65歲的華人置業前主席大劉劉鑾雄,上月被本報爆出與曾以「劉太」自居的呂麗君分手逾年,每日繼續與另一紅顏知己甘比出入用餐,前日更與甘比及甘比媽到旗下的銅鑼灣皇室堡欣賞港產片《危城》,由於同行保鑣加傭人已達十人,商場保安亦為保大劉安全,在通道加鐵欄又鎖電梯,睇一場戲,超級大陣仗。【保鑣包抄】■大劉前日坐輪椅到皇室堡睇戲,十名保鑣及傭人傍實,散場時商 ...


大劉甘比嚴陣包兩行睇戲 鎖電梯圍欄闢通道

【皇室堡】現年65歲的華人置業前主席大劉劉鑾雄,上月被本報爆出與曾以「劉太」自居的呂麗君分手逾年,每日繼續與另一紅顏知己甘比出入用餐,前日更與甘比及甘比媽到旗下的銅鑼灣皇室堡欣賞港產片《危城》,由於同行保鑣加傭人已達十人,商場保安亦為保大劉安全,在通道加鐵欄又鎖電梯,睇一場戲,超級大陣仗。



【保鑣包抄】■大劉前日坐輪椅到皇室堡睇戲,十名保鑣及傭人傍實,散場時商場保安加圍欄護大劉。DV圖片

大劉劉鑾雄近年受糖尿病及腳患夾擊,身形「暴瘦」大縮水,要坐輪椅及撐枴杖代步,早前他接受本報訪問,坦承身體大不如前,但未有如傳聞說到好大問題。而大劉與曾以「劉太」自居的呂麗君分手後,目前由紅顏知己甘比貼身照顧,不過大劉未受病情影響,依舊每日返華置總部,作息定時。

前日下午近5時,本報收到消息,指大劉與甘比於銅鑼灣皇室堡戲院睇戲,捧劉青雲、古天樂及彭于晏三位型男主演、上映只有幾天的電影《危城》,同行還有甘比媽媽,以及近十位保鑣及傭人。

數名保鑣陪睇據現場人士透露,大劉與甘比等欣賞的場次是下午3時15分,不過他們未夠3時便抵達戲院並入座,大劉已預先吩咐戲院職員,預留該院廳的最後兩排座位,而商場保安為免大劉遭途人碰撞,亦醒目地預先用欄杆圍了一條通道,再鎖起一部電梯給大劉專用。

其實,大劉向來喜歡看電影,多年來都是電影首映禮常客,當日與大劉看同一場次電影的觀眾則向本報爆料指,前日大劉一行有十多人,但並非全部都有入場看戲,除了大劉、甘比、甘比媽及數名保鑣入座之外,其他全部在門外把守,入場後大劉亦不是坐在輪椅看戲,與其他觀眾一樣坐上戲院椅,散場時亦見他站立步行,之後人多才再坐上輪椅。



【甘比睇實】■甘比跟在大劉之後,全程貼身照顧。



【母親協力】■甘比媽都有一齊入場睇戲。

 



【專梯落樓】■商場保安早已鎖起一部電梯給大劉落樓。



■甘比陪大劉坐上掛「67」號車牌的房車離開。

習慣早入遲走該觀眾續透露,他並非首次在皇室堡遇見大劉入戲院睇戲,有次看西片都見到大劉捧場,又指大劉有「早入遲走」的習慣,他說:「次次都好大陣仗㗎,出入都成班人,次次都會加鐵欄,所以一見到保安『做嘢』就知道大劉嚟睇戲喇,不過佢每次都會早入場同埋遲走,咁都算好識做啦,佢咁大堆人,咁樣就唔會阻住其他人!」

電影於5時15分散場,大劉約於15分鐘後離開,坐在輪椅由傭人推出的他,身形雖然與之前被影到時一樣瘦削,未有增磅,但他看來似乎精神不錯,只是發現有記者影相即時臉燶燶,保鑣則於左右列陣掩護他入電梯,而甘比則全程緊隨其後,抵達停車場後,甘比即時扶他上房車,甘比媽則自己坐另一部七人車離開。

採訪、攝影:朱志聰、黃曉程



■大劉上月撐着枴杖,與甘比到半島食飯。資料圖片


鍾意就快D Share啦!
Related Posts Plugin for WordPress, Blogger...