呢一幕真係好好笑！
藝人森美與麥美恩相當稔熟，二人曾經合作過《學是學非》。而於今晚嘅港姐節目入面，麥美恩與香港先生9號丁子朗Chit chat時，見到丁子朗做出「冧死人」表情時，竟忽然「辣」森美謂：「學嘢森美！」
之後，司儀鄭裕玲與台下森美傾偈時，問到邁向50周年台慶搵女司儀應該找甚麼人時，森美即向麥美恩「還拖」謂：「唔可以牙尖嘴利囉！好似麥美恩咁就完全唔得喇，嚟緊50年台慶都唔想見到佢。」此話一出，即時惹起全場歡呼尖叫，鄭裕玲卻大嘆「陰功」，似乎戥麥美恩唔抵。此時麥美恩再彈起身感謝鄭裕玲：「好彩你喺度咋。」之後森美再咬實麥美恩唔放謂：「係㗎，嘟姐（鄭裕玲），嚟緊五十年都係你（做司儀）喇。」鄭裕玲聽完即哭笑不得，仲笑言要做到一百歲，場面搞笑。
來源 source: http://hk.on.cc
|
鍾意就快D Share啦！
|
|
|