無綫娛樂主播李漫芬宣布喜訊，即將同圈外男友Alvin拉埋天窗喇！
現年32歲嘅無綫娛樂主播李漫芬（Fanny）為人所認識，除咗主播一職外，又不時客串劇集，喺公仔箱非常活躍，所以相信唔少觀眾都記得佢，而佢尋日仲宣布成為「準人妻」喇，恭喜晒！
Fanny喺微博大晒求婚鑽戒，並留言：「謝謝您昨晚給我的驚喜，真的很感動！簡單，幸福！是，我是您的未婚妻了！」而佢嘅圈外男友Alvin係一位游水教練，身材Fit爆唔使講，仲好靚仔有型𠻹！Fanny不時喺微博大晒兩人合照，男友有時仲會陪佢做嘢，直情係跟得男友，非常甜蜜！今次Fanny宣布婚訊，相識滿天下嘅佢獲得各方藝人朋友送上祝福，好似蔡少芬、歐陽震華、黃心穎等等…真係數都數唔晒，而楊怡仲恭喜對方，歡迎加入人妻行列咁話！
其實Fanny加入無綫已經有10年，佢曾經接受《東網》訪問時坦言唔靚，不過就勝在有口才，佢話：「我鍾意演戲又鍾意主持，啲人讚過我執生成功，雖然我冇靚樣，但上天係公平嘅，佢賜我另一方面天分。」Fanny恭喜人就恭喜得多喇，今次終於到佢接受祝福喇！
來源 source: http://hk.on.cc
|
鍾意就快D Share啦！
|
|
|