女學護涉刀傷已婚男友 正印出庭作供：你可以叫我鄭太
2016-09-23 13:05:00 HKT
事主妻子李佩文(朱永倫攝)
事主鄭柏堯
事主鄭柏堯傷勢
被告簡媛茌（右）今穿熱褲涼鞋到庭(朱永倫攝)
被告簡媛茌審訊時已換了「西裝look」(蘇曉欣攝)
女學護涉7刀刺傷已婚男友案，事主妻子李佩文出庭作供。李甫開庭已向法官咽哽表示，基於私隱問題，希望提及其電話號碼、工作地點及職業等個人資料時，可用紙筆記下而不在法庭公開透露，「因為我真係好擔心我嘅私隱」。法官答應後，控方稱呼她作「李小姐」，她即更正對方：「你可以叫我鄭太」。
李佩文今供稱，與丈夫鄭柏堯（37歲）相處一向良好，但去年年初感到丈夫有異，「我哋一齊咗好耐，知道佢性格係點，有小小唔妥已感受到。」她指去年某晚，兩人本相約在家看電視，但期間丈夫突稱要外出，她感到奇怪，稍後遂查看丈夫facebook訊息，看到丈夫向被告簡媛茌（29歲）稱「掛住你」。
她即致電丈夫要他回家解釋，之後丈夫承認有婚外情，並稱「個女仔好慘，有自殺傾向，想幫佢」。她得知後原諒了丈夫，因她相信丈夫，亦沒問丈夫何時會跟被告分手，而丈夫亦表示「因為個女仔有自殺前科，叫我俾啲時間佢」。
李接受盤問時，否認曾訛稱懷孕，她指與丈夫「攤牌」後，知道丈夫仍有與被告見面，但相信丈夫是「當佢朋友咁幫，覺得佢好慘」。辯方續問其夫是否沒與被告斷絕來往，李即堅定稱：「我絕對相信佢，佢個人就係咁，太善良，成日幫人，好傻，有時覺得佢戇居！」
李又稱，案發當晚很擔心丈夫安危，再稱「因為我實在太熟悉佢為人，佢唔會咁，去到邊都有交帶」。李指自己知道丈夫的手機、銀行戶口及facebook密碼，「有啲甚至係我幫佢改」，坦言除了「攤牌」那次外，之後亦有查看丈夫facebook，但澄清是「只係有時會睇，我相信佢為人，我哋好尊重大家」，又解釋「上次係我覺得好怪先睇」。
來源 source: http://hkm.appledaily.com
|
鍾意就快D Share啦！
|
|
|