網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年9月23日 星期五

離婚驚被分身家 5個App幫到你 __,

畢彼特(左)與安祖蓮娜祖莉(右)鬧離婚,兩人的財產分配被受市場關注。(資料圖片)名人離婚普遍都會涉及財產分配嘅問題,許多時除咗要留意有冇簽婚前、婚後協議外,亦都會受有冇外遇等因素影響。最近畢彼特(BradPitt)同安祖蓮娜祖莉(AngelinaJolie)離婚,電影界嘅一對「金童玉女」喺不久嘅將來就會分開,同時又有傳女星瑪莉安歌迪雅(MarionCotillard)係「小三」,真係「媽啊!我好亂 ...


畢彼特(左)與安祖蓮娜祖莉(右)鬧離婚,兩人的財產分配被受市場關注。(資料圖片)

名人離婚普遍都會涉及財產分配嘅問題,許多時除咗要留意有冇簽婚前、婚後協議外,亦都會受有冇外遇等因素影響。最近畢彼特(Brad Pitt)同安祖蓮娜祖莉(Angelina Jolie)離婚,電影界嘅一對「金童玉女」喺不久嘅將來就會分開,同時又有傳女星瑪莉安歌迪雅(Marion Cotillard)係「小三」,真係「媽啊!我好亂啊!」

雖然,佢哋離婚嘅箇中原因冇人知,但係要知道自己另一半有冇偷食,金融圈最興使用下面5個App 可以幫到你!就算你唔Check另一半,都可以知佢有冇Check你嘛,更隨時可以保住自己份身家,避免半壁江山的財產損失。

1. Connect

Connect可以畀你透過iPhone同iPad,check到你嘅老公或者老婆,同埋仔女,以及你嗰啲有用開Facebook、Twitter、Instagram、Google Contacts同埋LinkedIN嘅朋友。佢唔需要一個實際嘅登入,即係唔會有一個提示彈出嚟,嗌你打開位置設定,亦都唔需要喺另一個裝置裝上同一個應用程式,或者要得到另一方嘅允許,都可以用到。

2. Find My Friends

Find My Friends 有iOS同Android兩個版本,可以畀你追蹤到願意同你分享佢嘅位置畀你嘅親朋戚友。iOS版會同步你電話入面嘅聯絡人同埋地圖,當然用家亦可以加自己想加,而且同樣有用Find My Friend嘅人入去。不過,千祈唔好搞錯,佢絕對唔係另一個,iOS應用程式Find My iPhone,唔可以幫你揾番你唔見咗嘅iPhone!

3. Trick or Tracker 3.0

Trick or Treat?雖然香港嘅小朋友唔興喺萬聖節嘅時候逐家逐戶咁去拎糖食,不過佢自己去街嘅話,父母又點會唔擔心呢?所以呢個App係由1位有4個仔女嘅爸爸Wayne Irving所設計出嚟。要用到呢個App,係需要2部裝置都同樣裝有呢個App,當然要問准對方喇。如果小朋友離開咗預定好嘅範圍,就會send一個短訊畀父母,而小朋友返到屋企嘅時候,父母都可以獲得通知。Irving仲話,當小朋友畀人綁架嘅時候,個App可以幫助追蹤,但準確性就唔知喇。不過,邊個話只係可以用嚟check住小朋友呢?

4. Phone Tracker

Phone Tracker主要嘅target係一啲各有各忙嘅家庭,或者係一啲想每時每刻都想喺工作時間check住同事嘅上司。呢個App係唔需要特登撳入去啟動,就可以知道另一方喺10米範圍內,過去24個鐘頭嘅動向,但係要追蹤到另一方嘅話,就要對方都有裝同一個App先得喇。

5. AccuTracking

AccuTracking嘅出現其實仲早過Google Maps,主要係畀啲公司去追蹤一下佢地啲車,或者係畀家長可以知到自己小朋友嘅位置。不過,呢一個App係需要畀錢,5.99美元1個月,而且係要喺佢咃個網頁度download。蘋果公司之前就講明唔支持AccuTracking,因為iOS用家要「越獄」後先可以喺App Store以外嘅地方下載應用程式,但iPhone一旦「越獄」,就唔會再得到蘋果公司對iPhone一向嘅保護。

─ ─ ─ ─ ─ ─ ─

「東網Money18」全新功能「板塊追蹤」,助你分析抓緊投資先機

http://money18.on.cc/info/liveinfo_industry.html

「致富智庫」領悟理財/職場智慧,一Click改變一世

http://money18.on.cc/wealth


來源 source: http://hk.on.cc
鍾意就快D Share啦!