【多得姚子羚搭路】35歲李施嬅釣金龜 媾有米地產經紀
2016-09-15 22:45:00 HKT
李施嬅同姚子羚成班朋友一齊睇城城尾場騷，點少得新歡Anthony先（紅圈示）。（資料圖片）
當日姚子羚同男友的士邦就好高調喇，唔知係咪想為李施嬅轉移視線。（資料圖片）
兩姊妹合照，Anthony似乎有啲怕醜。（資料圖片）
（資料圖片）
李施嬅同富商潘樹維分手，嫁入豪門撻Q。（資料圖片）
上兩個月 李施嬅被指主動認識丁子高好友Felix。（資料圖片）
一大班朋友之後喺後台同城城合照。（姚子羚Instagram圖片）
胡定欣話40歲冇拖拍要在一起，激勵好姊妹仲有5年可以努力。（微博圖片）
35歲喇！心急搵番個伴個情有可願吖！講緊嘅係臨門一腳嫁唔到入豪門、年初同富商潘樹維分手嘅李施嬅，佢之前已經被指頻頻出席丁子高搞嘅聚會，仲識咗富二代朋友Felix Chow，不過呢位Felix原先就有個拍拖10年嘅女朋友，李施嬅都冇空間可以發展。（相關新聞： http://bit.ly/2aAjzfk ）
仲喺單身唯有繼續努力，最近再有雜誌報道指，李施嬅呢期密密黐實胡說八道會好姊妹姚子羚，仲有姚子羚有米男友鄭子邦（的士邦），事關的士邦身邊朋友都非富則貴，貼近李施嬅近年揀男友個標準。
據報道指，李施嬅為咗識番個有米男友，向姚子羚收過風，又去足的士邦舉辦嘅活動或者飯局，好似早排姚子羚跟住男友的士邦同班朋友去旅行，李施嬅就中途加入玩咗兩日，好主動咁搵人吹水。報道仲話李施嬅已經搵到目標，對象係一位年過30嘅地產經紀Anthony，不過事情仲有好多變數，行事都未敢高調，唯有約一班大朋友一齊出街增進感情，例如今個月8號郭富城演唱會尾場，都係成班朋友一齊去，李施嬅仲坐正Anthony隔籬睇騷添。
其實李施嬅都唔使咁愁，因為佢仲有好姊妹胡定欣陪佢，事關定欣都係分手冇耐，仲喺微博話過，如果到40歲都仲未拍拖，唔介紹到時「在一起」！
|
鍾意就快D Share啦！
|
|
|