中秋節，人月兩團圓，唔少人一收工都即刻趕返家，同心愛嘅人或家人食團圓飯，而孝順仔林作噚晚都同媽媽去到中環嘅中國會做節。估唔到呢餐飯，竟然仲多一位客人，而呢個客人，如題，係麥明詩……即係之前多次喊爆講電話，又向友人流淚證分手嘅麥明詩。咦，咁即係點樣樣呢？林作就話冇公開認過同麥明詩拍拖，講到好似劃清界線咁 (新聞連結： http://bit.ly/2cyz4DZ )，但中秋團圓夜又一齊食飯………好複雜喎！噚晚西裝骨骨嘅林作約晚上7時15分左右現身中國會；至9點15分右，赫見一身casual wear，戴住眼鏡化淡妝，白色鬆身恤衫、爛牛仔褲嘅麥明詩，步出中國會！麥明詩甫見到記者，即時打個突，強顏歡笑。問佢係咪啱啱同林作食完飯過節？麥明詩驚魂未定，扮傻話：「唔係呀。」記者即謂頭先見到林作都上咗去(中國會)㗎喎，仲唔係一齊食飯？麥明詩不斷耍手擰頭，keep住傻笑話唔係。記者即問麥明詩與林作0依家係咩關係啦，慌亂的麥明詩明顯都唔知自己講緊乜嘢，話要去攞車，又傻笑謂:「唔好意思…」記者再問頭先係咪一齊食飯？如果唔係點解又會同時間同一地方出現？麥明詩九唔搭八話：「呢到中環嚟㗎嘛，有幾出奇啫！」咁即係有冇同林作碰過面？麥明詩支吾以對：「我哋唔係呀，我都哋都唔同。」唔同啲咩呢……於是再翻兜麥明詩，問佢頭先同林作係咪喺唔同場合？麥明詩就話：「我估係啦，我都唔知呀！」約半小時後，林作同林媽媽步出中國會，林作見到記者時嘅反應，同麥明詩一樣，當堂打個突。林作驚驚青青咁問記者：「你又知道我哋食飯嘅？」當記者問到剛才食飯氣氛如何時，林作只係耷低頭，睇嚟佢都唔知點答好，所以就用眼神示意叫林媽媽答。林媽媽見狀就好唔耐煩咁話：「冇乜特別，冇乜特別，一家人食飯啫。」咦？一家人，林作同麥明詩上個禮拜先講完分手咋喎！兩人冇繼續回應，只顧行去攞車，不過都有回頭同記早講中秋節快樂。見到林作同麥明詩一齊返，令確要戥佢哋快樂。不過行去攞車嘅過程中，林作就不斷被林媽媽訓話，「哦」足成程，林作就好down咁成程垂低頭行。都係嗰句:好複雜！相關新聞：
【獨家】巴西掟煲 難忍花心林作少爺脾氣 麥明詩痛哭認已分手
http://bit.ly/2cu7mZC【林作劃稱界線】男方稱冇認過拍拖 麥明詩唔睇：費事影響心情
http://bit.ly/2cB5psf【麥明詩灑淚執包袱】林作劃清界線：我從來冇公開話我哋係男女朋友
http://bit.ly/2cyz4DZ【6,500萬買新房無所用】林作媽媽呻爆：未見過個仔咁愁
http://bit.ly/2caW61b
| 採訪、攝影：吳耀輝、徐錦池 | | |
| | | |
| | | |
| | | |
| | | |
| |
|
鍾意就快D Share啦！
|
|
|