掃呢頁CODE去手機

2016年9月30日 星期五

【4大蛛絲馬迹】定欣「熔」化Cool Man __,定欣,胡定欣,

陳展鵬、胡定欣因拍攝無綫劇《城寨英雄》成為螢幕情侶,近日更驚爆二人撻着!由於二人人氣暢旺,加上同是今年台慶熱門視帝、視后,故自「撻着」消息傳出後,唔少人都大讚「展定」相當登對。原來「展定戀」一早已經露出唔少蛛絲馬迹,就連無綫唔少幕後工作人員同演員,都一早聞到佢哋「撻着」嘅味道。其實單身多年嘅展鵬,由於一直事業為重,所以之前就算有唔少女藝人嘗試主動埋身,但向來「硬繃繃」、性格率直嘅展鵬就全不留情一律 ...


陳展鵬、胡定欣因拍攝無綫劇《城寨英雄》成為螢幕情侶,近日更驚爆二人撻着!由於二人人氣暢旺,加上同是今年台慶熱門視帝、視后,故自「撻着」消息傳出後,唔少人都大讚「展定」相當登對。

原來「展定戀」一早已經露出唔少蛛絲馬迹,就連無綫唔少幕後工作人員同演員,都一早聞到佢哋「撻着」嘅味道。其實單身多年嘅展鵬,由於一直事業為重,所以之前就算有唔少女藝人嘗試主動埋身,但向來「硬繃繃」、性格率直嘅展鵬就全不留情一律拒絕;再加上佢甚少同人交流,所以有「Cool Man」稱號。但係有明眼人就話,展鵬對定欣嘅態度「零舍不同」!除了平時有講有笑,之前拍《城寨英雄》咀戲時,仲要唔使點事前溝通就「一吻即合」,甚有默契,在場嘅工作人員都暗笑定欣「軟化」展鵬。

至六月底,定欣與前男友陳明道關係直陷冰點,當時展鵬與陳山聰正於澳門拍攝《乘勝狙擊》外景,定欣就借好姊妹胡蓓蔚做「煙幕」,秘密同胡蓓蔚跑步跑到澳門,之後就順理成章約埋「雙陳」食飯,爭取同展鵬相處機會。而有「兩年戀愛魔咒」嘅胡定欣,之前分手定必搬竇治情傷,不過今次同陳明道分手後,佢就罕有咁唔搬屋,據知目的都係為咗同住將軍澳嘅展鵬更加「相近」。

不過,展鵬同定欣喺人前就顯得相當避忌,每次齊齊出席活動時,都唔會一齊離開。而有咗愛情滋潤嘅展鵬亦改變咗唔少,之前甚少上微博留言嘅他,最近時不時就喺網上耍冧功,以佢嘅性格來講,冧功嘅程度可以話係「超打冷震級數」。佢除咗上載咀定欣劇照,以「女神」稱呼對方外,仲成日同定欣「打情罵俏」。事緣定欣借劇情發揮留言:「我珍惜同你的每一刻,雖然我們的甜蜜很短暫,但足夠我記一世。」展鵬隨即冧爆回應:「咁就夠?我還有好多絕招未用出來!乜你咁易滿足㗎!」真係肉麻到哩!

另喺新劇《同盟》未開工之前,展鵬曾上載登台相借題發揮,留言:「再度重遇,還有更新。」明眼人都知佢係同定欣傳情。而定欣都好識做,激讚展鵬無論髮型、外表同啲衫都好好睇。


來源 source: http://hk.on.cc
鍾意就快D Share啦!