鄺俊宇棄戀nowTV主播「同梁振英打仗」
鄺俊宇於今年立法會選舉以約49萬票成為「票王」當選，被封「鄺神」。原來他當選前曾與nowTV主播廖康如拍拖，二人由2010年認識到相戀，惜戀情維持六年，最終因鄺神希望專注事業，在立法會選舉前跟廖康如和平分手。
■候任立法會議員鄺俊宇被爆曾與nowTV前主播廖康如拍拖，惟二人於選舉前分手。資料圖片
■鄺神與廖康如相愛六年，據知他因專注事業決定和平分手。互聯網圖片
■廖康如曾在nowTV做主播，前年轉做政治記者。電視圖片
■學歷不高的鄺神興趣多多，跳Hip Hop舞是其中之一。資料圖片
現年33歲的候任立法會議員鄺俊宇，學歷不高卻多才多藝，除了跳Hip Hop街舞，還懂作曲、填詞及寫愛情小說，被少女fans封為「鄺神」。本報收到消息，鄺神曾與現年26歲、於nowTV做過主播，現為nowTV政治記者的廖康如拍拖六年，不過二人於今年立法會選舉前已分手。
「想保護身邊人」鄺神跟廖康如於2010年因在港台工作認識，廖康如曾在fb貼港台活動照，當時她如小鳥依人倚着鄺神，齊齊做心形圖案手勢，明顯是戀人關係，但二人拍拖十分低調。廖康如在2012年曾做過無綫實習記者，後來轉去nowTV做主播，前年轉做政治記者一職，由於鄺神是民主黨成員，故一對戀人在角色上有所衝突，據知最後因鄺神想專注事業發展，所以二人在今年立法會選舉前和平分手。本報日前致電鄺神求證分手一事，他表示：「私人事我唔會答，我唔答背後有一個好大意義，就係想保護身邊嘅人。我以為你會問我梁振英，因為𠵱家同梁振英打緊仗。」記者追問他會否再推出愛情小說？他則賣關子謂：「你睇吓咪知囉！」
「冇出現燉冬菇」女主角廖康如亦跟鄺神同一口徑，她說：「我諗呢啲私人嘢就唔回應，其實社會公眾都唔會對呢啲嘢好關心㗎啫！」問她是否因有壓力及在選舉前分手？她仍然避談說：「我唔會回應我哋有冇分過手，或者有冇一齊過，呢啲私人嘢。」談到橫洲發展項目，鄺神稱被梁振英屈是「摸底」對象，問廖康如可有關心對方？她說：「係呀，你都關心吓佢我諗大家都應該關心呢件事係點樣發生。」早前傳廖康如被降職，由主播變回記者，她否認說：「我諗一間公司轉組係好平常嘅事，冇出現過『燉冬菇』，係自己要求轉組，因為我一直想做記者，冇諗過要做主播，鍾意做前線採訪。」
採訪：嵐山
|
鍾意就快D Share啦！
|
|
|
