2016年9月30日 星期五

拖陳智燊蜜遊返港 宋熙年冧晒閃爆婚戒 __,宋熙年,陳智燊,

陳智燊同宋熙年度完蜜月返咗嚟香港啦!早前於英國行禮的藝人陳智燊(Jason)與宋熙年,婚後隨即展開蜜月之旅,今午二人雙雙返港,熙年手上戴住Jason設計的閃爆訂婚鑽戒及求婚鑽戒,二人更拖住手出閘,不時大晒手上鑽戒,表現恩愛。Jason透露婚後隔一天便啟程到威尼斯,大讚當地天氣很正,沒有下雨,但由於行程緊密,故僅逗留數天便到瑞士日內瓦,他謂:「但去到又冇乜嘢搞,所以就再去法國一日,跟住就返去倫敦。( ...


陳智燊同宋熙年度完蜜月返咗嚟香港早前於英國行禮的藝人陳智燊(Jason)與宋熙年,婚後隨即展開蜜月之旅,今午二人雙雙返港,熙年手上戴住Jason設計的閃爆訂婚鑽戒及求婚鑽戒,二人更拖住手出閘,不時大晒手上鑽戒,表現恩愛。Jason透露婚後隔一天便啟程到威尼斯,大讚當地天氣很正,沒有下雨,但由於行程緊密,故僅逗留數天便到瑞士日內瓦,他謂:「但去到又冇乜嘢搞,所以就再去法國一日,跟住就返去倫敦。( ...




其他影片:>>






陳智燊同宋熙年度完蜜月返咗嚟香港

早前於英國行禮的藝人陳智燊(Jason)與宋熙年,婚後隨即展開蜜月之旅,今午二人雙雙返港,熙年手上戴住Jason設計的閃爆訂婚鑽戒及求婚鑽戒,二人更拖住手出閘,不時大晒手上鑽戒,表現恩愛。

Jason透露婚後隔一天便啟程到威尼斯,大讚當地天氣很正,沒有下雨,但由於行程緊密,故僅逗留數天便到瑞士日內瓦,他謂:「但去到又冇乜嘢搞,所以就再去法國一日,跟住就返去倫敦。(有冇Shopping?)少少,都冇乜嘢買,反而係不斷食嘢,意大利海鮮好好味,其實真係要聘請嗰邊廚師嚟香港整意大利嘢食。」熙年亦指意大利氣氛很浪漫,景色美麗程度如一幅畫,更表示此行買了散紙包及煲呔給父母。

Party完先造人

問到此行有否趁機造人?Jason笑謂:「諗緊,大家係有計劃,但等香港同澳洲完埋個Party先,之後就嚟料。(今次歐遊咁浪漫咪好浪費?)可以再去,我哋諗住嚟緊1、2月去馬爾代夫曬太陽。(今次結婚咁秘密?)一直想搵戶外,本來諗住喺數碼港,但嗰度少做呢啲形式,所以最後喺英國郊區,距離市區好遠嘅地方搞,好多謝朋友唔介意坐兩個鐘頭巴士入去。」熙年就表示今次有來自美國親戚、澳洲中學同學等專程飛到英國,笑言大家感覺如度假般。

感謝龔嘉欣

對於龔嘉欣與楊明為保密二人婚禮引來是非,Jason與熙年也大表無奈,熙年謂:「好多謝佢哋,亦多謝莊思明冇講到出嚟,其實佢哋三個都好老友,大家都好錫佢哋,我唔太擔心,不過我當日睇到嘉欣機場條片個樣,我都覺得唔好意思。」


來源 source: http://hk.on.cc
鍾意就快D Share啦!