掃呢頁CODE去手機

2016年9月29日 星期四

53歲方中信愈老愈搵到 買貝沙灣法拉利 [壹週刊 - 1386] __,法拉,方中信,陳法拉,M1,

9月17日下午,由莫可欣做司機,駕駛今年6月才落地的61萬Benz,載方中信到尖沙咀剪頭髮。娛樂偵訊53歲方中信愈老愈搵到 買貝沙灣法拉利無綫鬧小生花旦荒,加上要救收視,經常要靠借助外援支撐大局;12年幫大台拍過《仁心解碼II》搞到不歡而散的方中信,去年初因為俾面老友監製羅永賢,答應返大台同廖啟智合作新劇《律政強人》,不過,附帶條件是拍完就閃,唔做宣傳。近年主攻內地劇大把路數的方中信,買完車又買樓 ...


9月 17日下午,由莫可欣做司機,駕駛今年 6月才落地的 61萬 Benz,載方中信到尖沙咀剪頭髮。

娛樂偵訊

53歲方中信愈老愈搵到 買貝沙灣法拉利

無綫鬧小生花旦荒,加上要救收視,經常要靠借助外援支撐大局; 12年幫大台拍過《仁心解碼 II》搞到不歡而散的方中信,去年初因為俾面老友監製羅永賢,答應返大台同廖啟智合作新劇《律政強人》,不過,附帶條件是拍完就閃,唔做宣傳。

近年主攻內地劇大把路數的方中信,買完車又買樓,大拿拿三千幾萬,話俾就俾!連日來,男神行超市補車胎做閒人,大台新劇宣傳活動,一律唔蒲頭;咁有景,使驚你大台!

買新車送老婆

現年五十三歲的方中信,在內地長搵長有,去年與內地電視劇女王孫儷合作的強國劇《羋月傳》,每集酬勞已企穩三十萬人仔;劇集收得,商演廣告更加排住隊,搵到笑!

豬籠入水,方中信識搵亦捨得使!今年六月一口氣買了兩部新車,分別是價值四百五十萬的法拉利 488 GTB,再買多架六十一萬 Benz送老婆莫可欣!

兩年前,鍾意賽車的方中信曾自言要回歸平淡,揸七人車做住家男。「以前成日想買跑車,但而家唔會,買咗又點?揸部幾百萬嘅跑車又去得邊?」

但心癮難甩,加上近年搵到錢,方中信更加身痕,決定買架辣跑,陪吓屋企部電單車以及兩年前買入的電動車 Tesla。

去年尾與內地女星孫儷合作拍強國劇《羋月傳》,方中信演情深秦王,紅咗!

近年方中信主力搵人仔,不少商演都有份。

今年方中信大豐收,他在同一月份再買人生首部法拉利辣跑,車價 450萬的 488 GTB型到爆炸,據知辣跑現時泊在匡湖居寓所車位,甚少開出,此為同款車。

變了住家男的方中信,早前暑假偕老婆、囡囡赴意大利旅行,坐火車時部分行李被小偷偷走。

幫囡囡儲嫁妝

自己滿足完,方中信亦不忘為囡囡打算。上月,他以三千一百六十萬購入貝沙灣二期一個連車位的高層單位,說是留給女兒符迦晴(方中信原名符力)做嫁妝。

「 Alex(方中信)住慣西貢,所以呢間屋都係買嚟放租,話要幫個女儲定嫁妝喎!呢幾年搵到錢, Alex份人又豪爽,同朋友出去飲飲食食,次次埋單,唔會闊佬自己孤寒人哋。」方中信身邊人說。

住西貢多年的方中信,上月再掟$3,160萬購入貝沙灣一單位,打算留給女兒將來作嫁妝。



女兒不在時,方中信變番浪子樣。本月 19日他獨自到土瓜灣換車胎,同老闆搭晒膊頭吹水之餘,又堂街叼住口煙展現麻甩一面。

除跑車外,方中信亦愛揸住兩個轆四圍去, 07年曾經至愛 KTM電單車,當時車價約十五萬。

得閒都唔宣傳

方中信與智叔廖啟智擔正的大台劇《律政強人》最近出街,播出個多星期,口碑相當不俗,但過去兩次劇集的宣傳活動,方中信都缺席,同劇演員均以為他返了內地開工。

不過,本刊連日所見,方中信其實好清閒,每日中午離開屋企,寄信、行超市、補車胎,或者剪頭髮扮靚仔,再去朋友生日 P。

「幾年前 Alex幫大台拍咗部《仁心解碼 II》,但嗰次合作得好唔開心,所以之後再搵佢, Alex都唔肯,除咗嫌大台出手低,最主要係覺得間公司冇乜人情味。不過佢同監製羅永賢真係好好兄弟,加上智叔都肯接,所以佢先應承,不過就講明之後唔做宣傳;其實為咗呢個劇, Alex仲推咗部大陸劇同一部電影,冇咗好多錢。」方中信身邊人說。

方中信與監製羅永賢(白髮者)稱兄道弟,就算當年拍大台劇不歡而散,老友叫到亦前事不計,出力救亡。

9月 14日 《律政強人》首次宣傳,缺席的方中信稱返內地工作,由另一男主角廖啟智主持大局,他抵死對住方中信的紙板人狂舂。

剪完頭髮的方中信,乘的士返屋企梳洗,再獨自出席四洲太子女戴凱欣生日 P。

9月 19日 方中信在土瓜灣換完車胎,折返匡湖居超市掃貨,他買了大堆即食麵及日用品看門口。

9月 20日 中午時分,方中信駕着 14年購入的 Tesla model S電動車外出,先去寄信,然後再往何文田半山壹號探朋友,未到天黑便回家,好深閨。

撰文、攝影、攝錄:娛樂組


鍾意就快D Share啦!