掃呢頁CODE去手機

2016年9月29日 星期四

m18講場:醒你條「財」路 金管局請見習經理 __,

剛畢業或就快畢業?醒你條「財」路,金管局依家請緊MT(見習經理),不拘工作經驗,月薪約4萬,仲未計表現花紅!金管局今時今日好幾位高層當年都係MT出身架!助理總裁(外事)李永誠(Vincent)與助理總裁(銀行操守)朱立翹(Carmen)同係第一屆(即是1994年)MT畢業生,助理總裁(貨幣管理)鄭發就係第3屆。老鬼Vincent坦白話,當年申請做MT係見人工吸引,點知一做就超過廿年。做金管MT要有 ...


剛畢業或就快畢業?醒你條「財」路,金管局依家請緊MT(見習經理),不拘工作經驗,月薪約4萬,仲未計表現花紅!

金管局今時今日好幾位高層當年都係MT出身架!助理總裁(外事)李永誠(Vincent)與助理總裁(銀行操守)朱立翹(Carmen)同係第一屆(即是1994年)MT畢業生,助理總裁(貨幣管理)鄭發就係第3屆。

老鬼Vincent坦白話,當年申請做MT係見人工吸引,點知一做就超過廿年。做金管MT要有咩條件?Vinvent話要有好奇心。佢仲話有兩類人唔啱做:一係追求短期回報嘅人,事關政策係細水長流嘢;另一類係象牙塔入面嘅人,因為金管講求實用,唔能夠太紙上談兵。

金管MT做啲咩?佢哋會接受兩年在職培訓,期間輪流調到兩至三個部門做,目標係變「通才」。過完兩年之後,仲有機會派駐紐約或借調去IMF(國際貨幣基金組織)呢類國際機構。

Carmen當年原本做銀行,入金管做咗MT幾年後就被借調去世界銀行嘅北京辦事處做,就係咁建立咗寶貴嘅內地人脈。

仲有其他MT過來人話,同私營金融公司比較,金管局工作穩定,相對唔太受經濟周期同市場表現影響。你睇睇最近投行同Big Four點炒人,就知呢個飯碗幾鐵啦,都仲未計升到上助理總裁,人工加福利可以超過5球(500萬元)一年㗎!

點申請?喂,自己去金管局個網搵啦,人哋咪話咗囉,畀啲好奇心先得㗎!

─ ─ ─ ─ ─ ─ ─

「東網Money18」全新功能「板塊追蹤」,助你分析投資先機http://money18.on.cc/info/liveinfo_industry.html

「致富智庫」,領悟理財/職場智慧,一Click改變一世

http://money18.on.cc/wealth


來源 source: http://hk.on.cc
鍾意就快D Share啦!