同新歡十指緊扣的藍莓，打出一雙白滑玉腿，於銅鑼灣街頭分外養眼。
探熱針
寄住男友擎天半島 藍莓銅記做水貨 sales
早前放風已轉投新經理人公司的藍莓（劉俐），在大台六年行行企企，最令人難忘，莫過於 13年同太陽娛樂老闆周焯華進出酒店，自此身光頸靚變上等人。
14年，藍莓離開大台後同友人合資開點心店，搖身一變老闆娘，但只維持了一年，近日她已從天而降，於銅鑼灣地帶的化妝品水貨店做 sales。唯一不變，是只愛有錢人，接她放工的新歡手戴 Daytona，住擎天半島，真識揀！
做化妝妹
淡妝、黑衣，刻意低頭避開途人視線的藍莓，在人頭湧湧的銅鑼灣街頭，的確好易走漏眼。
三點仲未食飯的藍莓，急急腳走到兩街之隔的燒味店，買了兩個飯盒後，一邊傾住電話，一邊向住 Sogo方向進發。其間，有長者攔途要求捐款，拎出廿蚊，放入捐款箱，便走入銅鑼灣地帶一樓的 Meso Beauty。
藍莓將其中一個飯盒遞給同事，自己則走到店內另一較隱蔽的位置開餐。不難發現，避忌的藍莓甚少走近門口，除了收工繁忙時間，才見她在櫃枱幫手，招待客人。
寄住擎天半島
每日開工，由中午十二時半直踩至晚上十時，終於收工，只見一個手上戴住勞力士 Daytona的男子，已經 standby企定在門口等接放工；兩人十指緊扣行去駱克道方向，其間藍莓忙住發聲音短訊，男友趁機去排隊，買台式飲品。
之後藍莓同男友搭港鐵，行去地窿搭電梯時，二人攬到實，非常煙韌。在九龍站落車後，等藍莓先在圓方的露天平台公園扯煙，二人才拍卡返回男友擎天半島屋企。
認做 part time sales
目前正在歐洲旅行的藍莓，以短訊回覆記者時承認自己確實在銅鑼灣化妝鋪做兼職售貨員，由娛樂圈轉做 sales，她說不習慣，但亦有不少得着。
「人一定要工作，每一個行業都有值得學習嘅地方，這一份工教曉我咩叫 google drive，同埋點樣用電腦嘅 POF程式，人工可能比較少，但係 OK，學到從未接觸過嘅嘢。」
藍莓坦言有遇過認得自己、但叫不出名的顧客，也有人要求她合照，但整體來說，沒有帶來太多不便。
「有時見到鋪頭有錢賺，或者客人買到自己想要嘅嘢好開心，我都會好開心咁去收錢，係另一種滿足感。」藍莓說。
講工作，藍莓有問必答，但提到有米新歡，她即啟動防火牆。
「我們不是同居，自己也會一直工作，對方是普通家庭，希望不要打擾他們。大家有些共同朋友，經好朋友介紹識，（拍拖）快一年。」藍莓以短訊回覆。
簽了新公司準備進軍樂壇的藍莓，因為同新公司意見不合，解約收場，同圈中人幾乎全面斷絕聯絡的她，表示只要遇啱機會，不排除回歸幕前的可能。
斷正
年僅 27歲的劉俐（藍莓），模特兒出身， 08年入行簽約無綫，被監製錢國偉睇中，有份參與《美女廚房》做味之天使「藍莓」，拍過多套大台劇包括《畢打自己人》、《怒火街頭》、《四個女仔三個 Bar》等，但大多是行行企企角色。
13年，藍莓被爆出去澳門陪客的短訊錄音，過夜價高叫 25萬，其後更被拍到與賭場大亨洗米華於澳門酒店密會，之後更突然富貴，由彩雲邨公屋搬去月租三萬元的譽港灣，生活十級跳。
撰文、攝影、攝錄：娛樂組
|
鍾意就快D Share啦！
|
|
|
