掃呢頁CODE去手機

2016年9月29日 星期四

鄭伊健氹完 fans攬老婆 [壹週刊 - 1386] __,伊健,鄭伊健,M1,

同你吟一吟鄭伊健氹完fans攬老婆錢,搵唔晒,更加帶唔到落棺材!因為如此,儲埋唔少磚頭,唔使夠食,夠養老豆老母老婆嘅鄭伊健,一直爛玩唔爛做。上星期日(九月十八日),做一轉古惑仔演唱會有排搣嘅伊健,同老婆YoYo蒙嘉慧去咗淺水灣撐枱腳。食完九點幾,兩公婆各自篤電話,篤到鋪頭閂門,先捨得埋單走。其實有對男女一直响外面等伊健影相,只見麵嫂同fans笑笑,跟住行先去扱停車場飛,留低老公做人肉布景板,鬼咁識 ...


同你吟一吟

鄭伊健氹完 fans攬老婆

錢,搵唔晒,更加帶唔到落棺材!因為如此,儲埋唔少磚頭,唔使夠食,夠養老豆老母老婆嘅鄭伊健,一直爛玩唔爛做。

上星期日(九月十八日),做一轉古惑仔演唱會有排搣嘅伊健,同老婆 YoYo蒙嘉慧去咗淺水灣撐枱腳。食完九點幾,兩公婆各自篤電話,篤到鋪頭閂門,先捨得埋單走。

其實有對男女一直响外面等伊健影相,只見麵嫂同 fans笑笑,跟住行先去扱停車場飛,留低老公做人肉布景板,鬼咁識做。

雖然伊健啲磚頭全部冇加 YoYo名,不過,佢呢頭氹完 fans,嗰頭就摩打腳返去商場搵番老婆,再攬住腰一齊去停車場攞車。咁恩愛,夠

兩個人,唔會晚晚煮,呢日伊健同 YoYo就去咗淺水灣開飯,食完篤電話 hea到接近閂鋪至走。

老公有靚女集郵, YoYo識做自己先行去商場扱車飛。

做完人肉布景,伊健仲同 fans鞠躬,禮貌成咁,真係應該搵你做旅遊大使。

同 fans影完相,伊健急急腳行去搵番 YoYo,兩公婆攬住去攞車。

撰文:八珍


鍾意就快D Share啦!