網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年9月26日 星期一

【「屋企人都唔理我」】突然宣佈懷孕6個月 單身趙哲妤一講男方即哽咽 __,趙哲妤,

【短片】【「屋企人都唔理我」】突然宣佈懷孕6個月單身趙哲妤一講男方即哽咽2016-09-2523:52:00HKT(攝影:王連連)趙哲妤(Uny)今日喺出席首飾品牌嘅活動嗰時,見佢肚凸凸,但都着高踭鞋,記者就問佢係唔係要恭喜佢,佢就話:「吓,我唔識答啊,其實都好耐冇女性唔方便日子,都有成半年。」佢又話身體好好,每個月都有去定期檢查,不過都話有好多嘢唔方便講,但係個肚都好凸,佢就話:「我已經揀咗5條 ...


【短片】【「屋企人都唔理我」】突然宣佈懷孕6個月 單身趙哲妤一講男方即哽咽

2016-09-25 23:52:00 HKT



(攝影:王連連)







趙哲妤(Uny)今日喺出席首飾品牌嘅活動嗰時,見佢肚凸凸,但都着高踭鞋,記者就問佢係唔係要恭喜佢,佢就話:「吓,我唔識答啊,其實都好耐冇女性唔方便日子,都有成半年。」佢又話身體好好,每個月都有去定期檢查,不過都話有好多嘢唔方便講,但係個肚都好凸,佢就話:「我已經揀咗5條裙先揀到呢條。」

問到趙哲妤有關男方嘅事,佢就話:「對方係圈外人,o依家都要工作同調理身體,唔識答你哋。」講到幾時結婚,佢就話:「未知,冇計劃過,結婚生B離我好遠,同每一個人講都唔信,屋企人都唔信,阿妹仲話我係瘦。」

問到對方係唔係唔負責任,佢就話:「冇講呢個問題,事發突然,我好遲先發現,我覺得個肚郁嘅時候,已經係半年嘅事。」至於會唔會做未婚媽媽,佢就話:「就算要結婚都要有S身形先着婚紗。」

講到會唔會同男方一齊照顧BB,佢就話:「我都唔知,要問男方,我冇問過所有關事嘅嘢講唔講得,有關生命都要問過先。」再問到佢係唔係分咗手,佢就突然哽咽:「唔知,但我o依家單身,o依家仲要諗去邊住,因為屋企要裝修,屋企人都唔理我,佢哋都唔信。」


鍾意就快D Share啦!