《城寨英雄》氣勢實在太強，雖然已經播出大結局，但仍有唔少觀眾議論紛紛，以致兩套新劇《巨輪II》及《為食神探》都黯然失色！不過《為食神探》昨晚一集非常吸睛，因為有女神岑麗香放下清純形象，化身邪骨妹及啤酒女郎，男性觀眾一致讚好！
昨晚劇情講到Bill基與麥犀正追查偷古董失竊案，於是一直跟蹤疑犯到邪骨場所，呢個時候可愛的嘉嘉(岑麗香飾) 仲好天真咁問︰「咩係邪骨呀？」其他人講可能想打爆佢，但由香香講就完全突顯出佢嗰種天真無邪！
後來眾人懷疑犯人在揼邪骨期間偷走，之後就開始《警訊》之案件重演環節，Bill基扮演偷古董犯人，而嘉嘉就著住件黃色架步的黃色Polo恤做骨妹！再加埋香香半鹹淡的普通話，真係睇到小編……不行了。
之後Bill基仲色狼上身，不斷調戲嘉嘉，又摸玉手又摸下巴，最後仲將對方一擁入懷！真係豈有此理，這些機會……
之後又講到嘉嘉多年前曾發生意外，導致失去某半年的記憶，但當佢去到西貢碼頭時，就不斷湧現出與某個男仔玩樂的零碎片段。為助女神恢復記憶，Bill基即時自動請纓，陪嘉嘉去西貢碼頭將片段重演！
接下來又係抽水時間，Bill基將嘉嘉成個人抱起係咁轉，之後又攬實對方纖腰，塊面仲愈貼愈近！
唔通Bill基真係可以一親香澤？冇咁易！嘉嘉突然又回想起與該男仔的片段，然後情不自禁地一巴車落Bill基度！
未搵到失落的記憶，但案一樣要繼續查，今次嘉嘉唔扮邪骨妹，轉做啤酒女郎！見到佢著住件貼身制服、短裙仔仲有長靴，加埋一副入世未深、楚楚可憐的樣子，實在令人想入非非……
《為食神探》經常生硬地加插唔少「笑位」，麥犀將一枝錄音筆遞俾嘉嘉，嘉嘉一本正經咁問︰「用嚟寫咩㗎？」，然後麥犀亦係一本正經回答︰「用嚟錄音嘅。」講完。
以為香香做啤酒妹已經夠爆？非也！連49歲的江欣燕都扮埋一份，仲擺曬甫士曬長腿，於是小編個表情同阮兆祥一模一樣……
其實啤酒妹來說，香香一個已經足夠，點解監製要咁重口味呢…
|
鍾意就快D Share啦！
|
|
|