掃呢頁CODE去手機

2016年9月16日 星期五

劉翔:【極速再婚】劉翔自爆同吳莎已領證結婚 __,劉翔,

劉翔突然自爆一早求完婚仲已經結婚!33歲欄王劉翔同內地女星葛天喺2014年9月結婚,但婚姻只係維持咗8個月,兩人喺2015年5月時被爆已離婚!去到同年7月時劉翔被傳同「撐竿跳美女」吳莎翻撻,不過冇承認戀情,直至2016年1月時,劉翔終於喺微博認愛!戀情發展至今相當順利,經常傳出兩人結婚,去到今日,劉翔更突然自爆已經拉埋天窗!話說劉翔參加咗內地真人騷《極速前進》,早前先喺節目中見佢再次戴上婚戒,再婚 ...


劉翔突然自爆一早求完婚仲已經結婚!

33歲欄王劉翔同內地女星葛天喺2014年9月結婚,但婚姻只係維持咗8個月,兩人喺2015年5月時被爆已離婚!去到同年7月時劉翔被傳同「撐竿跳美女」吳莎翻撻,不過冇承認戀情,直至2016年1月時,劉翔終於喺微博認愛!戀情發展至今相當順利,經常傳出兩人結婚,去到今日,劉翔更突然自爆已經拉埋天窗!

話說劉翔參加咗內地真人騷《極速前進》,早前先喺節目中見佢再次戴上婚戒,再婚消息即時傳出!而新一集節目會喺今晚播出,不過就率先有片段流出!片段中,喺吳莎現身後,在場嘅劉翔、郭晶晶、霍啟剛等人即時起哄嗌劉翔下跪求婚,之後,劉翔就嚟個公主抱抱起女友,兩人再十指緊扣甜蜜對望瘋狂放閃,不過當時就未見到劉翔求婚,點解呢?

喺之後嘅訪問中,劉翔就解釋原因,原來係因為已經結咗婚喇!佢話:「晶晶他們還問我怎麼不求婚。但其實我早就求婚了。我求過婚了你知道嗎?求婚後直接結婚了,你知道嗎?」在旁嘅徐琦峰聞言顯得非常驚訝!

雖然呢次係劉翔兩年內第二次結婚,不過唔少網民都覺得兩人好襯,結婚都係遲早嘅事,所以唔少網民都向佢哋送上祝福!


來源 source: http://hk.on.cc
鍾意就快D Share啦!