【短片】【人緣差 獨家村】Jeana寸爆「識佢米奇老鼠」 杜汶澤暗嘲袁嘉敏係「猿糞」
2016-09-24 09:22:00 HKT
出道多年嘅Candy，經常傳是非。
港姐出身嘅袁嘉敏，當年由君如提名，最後三甲不入，只奪得最上鏡小姐。(資料圖片)
同許穎齊為動畫《《神秘之法》配音，兩女都話自己配音嗰個係主角。(資料圖片)
首映時，佢哋就話有不和。
同杜汶澤拍攝《3D豪情》。
離開大台後，Candy做咗「晶女郎」。
拍攝《鴨王》時，Candy豁出去，作露點演出。
同Dominic有好多火辣場口。
宣傳時，Candy慘被孤立。
《鴨王》後，Candy就未有再作露點演出。
擁有34D嘅Candy
Dominic喺fb寸Candy小學雞。
杜汶澤留言話懷疑講緊同一個人，仲話嗰個人係「猿糞」。
今年31歲嘅袁嘉敏(Candy)，參加2009年香港小姐，奪得最上鏡小姐後入行。 當年Candy選港姐都叫做有後台o架，提名佢嘅就係影后級人馬吳君如，擁有34D上圍嘅Candy，仲俾君如姐叫做「大波Candy」㖭！
加入大台後，Candy嘅工作並唔多，主要做吓主持咁，拍劇並唔多，直至11年佢接拍《潛行狙擊》，戲入面做張國強嘅情婦，先開始被人認識。
工作亦開始增加，是非亦開始多，好似12年佢就同o靚模許穎(Phoebe)齊為一套動畫電影《神秘之法》配音，兩女就各自話係套動畫嘅主角配音，仲喺旺角宣傳時鬥嘴，火藥味甚濃( 新聞連結：http://bit.ly/2cHYsWH )。之後Candy仲係微博度，暗寸Phoebe叫佢：「醒少少喇！」( 新聞連結：http://bit.ly/2cyhcu3 )
Candy之後離開大台，佢就埋咗王晶堆，做咗「晶女郎」，Candy亦豁咗出去，接拍三級片《鴨王》，仲要全裸滿出，真係好搏架，唔知係咪搏得制。今次Candy又再同戲中嘅對手鬧不和！
首先佢就同Jeana(何佩瑜)，Jeana就以「識佢米奇老鼠」嚟寸爆Candy，之後Hazel(唐紫睿)就話佢成日黑面，咁Candy就即刻喺微博還話有人利用佢做新聞。
三個女人都已經一個墟架喇，點知連男主角何浩文（Dominic）都要加埋入去圍攻Candy，令到Candy感到被孤立。Dominic就曾經喺fb到留言：「我真係冇興趣玩埋小學雞遊戲，自己唔知自己咩有問題就問下其他人發生咩事，點解自己被針對。」呢段留言，仲引咗曾經同Candy一齊拍《3D豪情》嘅杜汶澤加入戰團，阿澤留言話：「我懷疑你講緊一條八婆。」之後阿澤仲講到：「其他人同佢，就係佢哋之間嘅猿糞。」令人聯想到呢督「猿糞」就係袁嘉敏( 新聞連結：http://bit.ly/2cW74vz )keyframe：出道多年嘅Candy，經常傳是非。1.港姐出身嘅袁嘉敏，當年由君如提名，最後三甲不入，只奪得最上鏡小姐。(資料圖片)2.同許穎齊為動畫《《神秘之法》配音，兩女都話自己配音嗰個係主角。(資料圖片)3.首映時，佢哋就話有不和。4.同杜汶澤拍攝《3D豪情》。5.離開大台後，Candy做咗「晶女郎」。6.拍攝《鴨王》時，Candy豁出去，作露點演出。7.同Dominic有好多火辣場口。8.宣傳時，Candy慘被孤立。9.《鴨王》後，Candy就未有再作露點演出。10.擁有34D嘅Candy11.Dominic喺fb寸Candy小學雞。12.杜汶澤留言話懷疑講緊同一個人，仲話嗰個人係「猿糞」。
|
鍾意就快D Share啦！
|
|
|
