網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年10月13日 星期四

十年情不敵人民幣 張敬軒放生關智斌 [壹週刊 - 1388] 張敬軒,人民幣,十年,關智斌,M1,

二人甩拖後,張敬軒日前出席活動,提到「關智斌」三個字即封口,開始劃清界線。娛樂偵訊十年情不敵人民幣 張敬軒放生關智斌張敬軒和關智斌(Kenny)親密關係十年,但隨着近年小斌女北上搵食,大部分時間在內地生活,二人聚少離多,感情變淡。最難耐是長期獨守空房,軒仔索性斬纜,讓大家都可以名正言順,換過個。有得必有失張敬軒和關智斌雖然沒有公開承認,但二人關係親密,有影皆雙,年前Kenny更發揮影響力,穿針引線 ...


二人甩拖後,張敬軒日前出席活動,提到「關智斌」三個字即封口,開始劃清界線。

娛樂偵訊

十年情不敵人民幣 張敬軒放生關智斌

張敬軒和關智斌( Kenny)親密關係十年,但隨着近年小斌女北上搵食,大部分時間在內地生活,二人聚少離多,感情變淡。最難耐是長期獨守空房,軒仔索性斬纜,讓大家都可以名正言順,換過個。

有得必有失

張敬軒和關智斌雖然沒有公開承認,但二人關係親密,有影皆雙,年前 Kenny更發揮影響力,穿針引線令張敬軒轉投英皇。不過,由於 Kenny的工作基地已北移,最終十年情不敵人民幣。

「軒仔當然想 Kenny多啲喺香港陪佢,但近年大陸真係好多 job, Kenny又點捨得推啲錢出門口。入行咁耐,難得有機會可以响大陸打出一條生路;而家 Kenny拍重頭劇已經做男二,除咗拍劇,仲有商演、廣告排住隊搵佢,等咗咁多年,先有今日,仲點會捨得返香港!」知情人說。

14年,二人被發現著情侶褲出席活動,都算公開。

近年經常生病,年初時,張敬軒更試過病倒入院臨時甩底活動。

張敬軒跟王菀之同期出道,明年再拍檔開演唱會,更為此寫了一首《友誼的小船》,難得好朋友關係維持至今。

中港加都有磚頭

同其他人一樣,內地賺人仔,香港換磚頭。 Kenny之前購入的單位已升值逾千萬,同時在內地和加拿大都有物業,放租做包租公,為將來打算。最近,他以二千萬續約英皇四年,身價水漲船高,亦反映出他平均每年在內地起碼有五百萬進賬。

另一半有好發展,軒仔一方面為對方高興,但一方面又難忍經常要分隔兩地,心情矛盾。

「早排軒仔成日病又發燒,加上佢想喺創作上有新突破,所以俾咗自己好大壓力,搞到身體差晒;但 Kenny又唔喺佢身邊。長此以往,其實對大家都冇好處,加上軒仔知 Kenny喺大陸好多人吼住,所以佢決定放手,希望自己同 Kenny,都可以搵到更適合嘅伴侶。

「軒仔係個希望自己喜歡嘅人可以經常喺身邊,有乜嘢都可以同對方分享, Kenny成日喺大陸,咁有都等於冇! Kenny都明白軒仔嘅心情,所以就算佢提出分手,大家都冇 hard feeling,關係仍然好好。」知情人說。

近月除為新唱片積極宣傳,宅男張敬軒亦有跟一班同事齊齊出席港台活動。

回港小休,他又幫師兄謝霆鋒宣傳新節目。

相隔多年再出唱片,關智斌早前回港拍 MV,著背心騷粗手臂。

試過冇收入的關智斌,六年前決心返內地拍劇,更搵了人生中的第一桶金。

狂操一年,關智斌早前特登影了一輯晒肌相,擺明 show off。

不是他的羅賓

事實上,今年中,二人的感情已出現危機,張敬軒宣傳歌曲《羅賓》時,便曾慨嘆 Kenny不是他的羅賓:「超級英雄背後都有為佢默默耕耘嘅人,可能係家人或伴侶,但此『賓』不同彼『斌』,佢最多都係企鵝、小丑、貓,不過都係唔講佢喇,呢排都冇咩聯絡。」張敬軒說。

始終十年感情,提到 Kenny,張敬軒顯得頗為避忌。

壹:壹週刊 張:張敬軒

壹:演唱會請唔請 Kenny做

嘉賓?

張:唔講啦,唔答啦, sorry,呢啲問題講咗咁多年仲要答。

壹: Kenny最近操到好弗喎?

張:唔答啦, sorry,唔好意思。

十年情告終,張敬軒封嘴,不再提起。

13年,張敬軒在港開演唱會,關智斌孖住容祖兒、何韻詩等上台一齊助興搞氣氛。

07年,張敬軒跟關智斌被踢爆關係親密,二人出席活動時都頗為避忌,不肯孖住一齊坐。

11年,二人被踢爆在西貢同居,更會邀請朋友返屋企開 P。

07年,關智斌在港養了一隻秋田犬,其後張敬軒被拍到帶秋田犬外出散步,當時二人承認是「好好好好朋友」。

13年,為小小超誕下兒子的梁洛施返港,在張敬軒屋企玩煮飯仔,黄秋生跟關智斌以及甄詠蓓都有份出席。

撈起

在香港撈極冇發圍唔緊要,只要搭到路返大陸,就有希望。關智斌之前,已有劉愷威、陳偉霆、葉璇、吳卓羲等做燈,返內地可以執到金,更加可執埋樣, win win呀!

劉愷威

在大台多年都冇機會坐正的劉愷威, 05年離巢北移發展,憑精湛 chok樣套套劇做男一, 12年更攞埋「華鼎獎」古裝視帝。 13年在福布斯中國名人榜排名第 49,賺到笑,多年前已經有本事在香港半山買幾千萬豪宅。

陳偉霆

組合 Sun Boy'z出身的陳偉霆,試過獨立發展做跳舞歌手,雖然憑《 Taxi》另類成名,被網民封「的士陳」。之後進軍內地, 14年憑古裝劇《古劍奇譚》紅爆,做孝順仔買三千萬豪宅送俾媽咪,去年返港搞百萬生日 P,開始被內地人同化,炫富!

葉璇

99年入行的葉璇,早年在大台發展不俗, 05年外闖拍電影,卻一直未有機會擔正,她亦開始決心北移,愈撈愈掂, 11年成立工作室做監製,有老細撐,開拍電視劇做埋投資。

吳卓羲

15年離開大台,全身北上發展,自己開公司接劇外,近日又夥拍曾在大台合作的前經理人組公司接拍電影,不再被大公司合約捆綁。

撰文、攝影、攝錄:娛樂組


鍾意就快D Share啦!