熱爆娛樂: hea簽王祖藍　徐子珊正職歎世界 [壹週刊 - 1388] 祖藍,徐子珊,子珊,M1,王祖藍

2016年10月13日星期四

hea簽王祖藍　徐子珊正職歎世界 [壹週刊 - 1388] 祖藍,徐子珊,子珊,M1,王祖藍

娛樂偵訊

hea簽王祖藍　徐子珊正職歎世界

死霸爛爭都想做到大台首席花旦的徐子珊，去年忽然放軟手腳，未滿約已經抽身走去讀珠寶設計。回復自由身後，轉頭又賣身在內地爆紅的王祖藍工作室，表面上，徐子珊以攻內地市場為主，但一直周遊列國，丹麥、希臘、巴黎……唔遠唔貴唔去。日前，她偕女友人 hea行西貢，生活似足闊太。

變私影妹

花旦走完一個又一個，同樣唔續約大台的陳法拉，的起心肝返美國讀戲劇增強戰鬥力，更成功得男神黃子華欣賞邀合作演舞台劇，賺到外快幫補學費。至於讀了九個星期珠寶設計短期課程的徐子珊，生活悠悠閒，就算零 job冇收入，仍絲毫不覺有經濟壓力。

「我一日可以瞓十幾個鐘都唔頭痛，但拍劇時（朝早） 06開到 28（半夜四點），年紀大咗捱唔住，唔想再每日二十四小時不停開工，燃燒生命！」大條道理做大食懶的徐子珊說。

改投邵氏旗下的王祖藍工作室後，徐子珊繼續 hea。返內地打拚計劃一拖再拖，除了開網店賣自家設計飾物，「正職」其實是遊埠。

這陣子，徐子珊踏遍希臘、巴黎、丹麥、柬埔寨等地，每個行程，都有人同行替她拍一系列甫士相，當中不少更是比堅尼和 bra top性感照，鼻血度一百。

返到香港，徐子珊繼續 hea，日前又相約女性友人遊蕩西貢，十分悠閒。

希臘

以往在大台拚搏，徐子珊都冇刻意行性感。但現在反而似老外咁 open，去希臘旅行衫都唔著多件。

柬埔寨

丹麥

10月 8日，徐子珊在 ig透露身在丹麥的哥本哈根，她行程有共通點，永遠都有人替她操刀攝影，唔知邊個咁好彩。

巴黎

西貢

日前徐子珊孖女友人閒逛西貢，第一站行文具店，戴帽又戴超，沿途冇乜人認得。

之後再逛有機食品店，徐子珊明顯有興趣得多，拿起飲品研究成分。

徐子珊 T恤中的「過去、進行中及將來」，唔知有冇玄機。

齋講唔做

下午五點，戴帽戴超的徐子珊與友人在西貢市漫無目的踱步，經過一間街坊文具店，走入去左揀右揀，但巡了幾個圈都冇收穫。之後轉去行有機食品店，近年致力「食 green啲」的徐子珊，由飲品、果仁到調味料，全部都拎起仔細睇研究成分。

約滿大台後，今年六月徐子珊改投邵氏旗下的王祖藍工作室，更講明會以發展內地市場為主，有紅爆祖藍鋪橋搭路，但徐子珊卻未有 mood開工。

「祖藍幫子珊傾咗啲劇，但佢要揀劇本，又要揀對手！跟住又話想試吓做導演拍電影，總之大把理由推三推四；既然皇帝唔急，太監都急唔嚟！」知情人說。