結婚是人生大事，小情侶互許諾言，挽着手在花童的帶領下步進教堂，像童話般永遠幸福生活下去。不過現實並非童話，堅貞的愛情未必可戰勝不倒的樓價，不少計劃結婚的90後情侶，都被樓價難倒而暫緩婚事，究竟在價樓高企的香港，情侶們如何可成功「達陣」？為幫助這些小情侶，今次特地請教理財專家，務求30歲前成功上車結婚！
拍拖大使費相信甚少人反對，即使揀吃平價米線，拍拖之際亦不禁多嗌一客雞翼，「你一啖我一啖」分甘同味，更遑論大時大節時，為求與伴侶共享佳節，荷包難免榨乾榨淨。12月起聖誕、新年及情人節接踵而來，佳節當日自是輕拖伊人玉手慶祝，惟過後卻叫苦不迭，發現七除八扣後，口袋所剩無幾。
據《2015年收入流動性研究》，大專畢業生月入中位數僅1.1萬元。「衣食住行」中，光是「食」及「行」，每月花費已佔月入近半，遑論電話費、家用及償還學債等。單是每月支出已捉襟見肘，香港小情侶何年何月方能儲錢上車？
美國萬利理財亞太區總裁張佩儀表示，90後情侶置業雖難，但非不可能，若有清晰目標及計劃，30歲前一樣可上車。首先須學懂分配消費，除必須的「搭車食飯」外，盡量減去無謂使費；下一步便是儲錢，建議月儲至少三分之一薪水，若自制力稍差者，可以利用銀行自動轉帳，一出糧即過數至別個戶口，而小情侶更可開聯名戶口，大家一起儲錢，但必須共同簽名方可取錢，以及共同下決定投資，她笑言，「通常男仔投資會比較進取，如果連老婆本都輸埋就唔好。」一對各自月入1.2萬的情侶，她建議每人儲2,500元即可，「咁都要有私己錢嘅，唔通過節買禮物都出公數咩？」
她又表示，現時首次置業者購入400萬以下新樓，可敍造最高9成按揭。換言之，若購入一間300萬的單位，首期僅30萬，若小情侶每人月儲2,500元，1年可儲6萬元，只須5年即能達標，若然投資有法，不消5年即可上車結婚。
富昌金融研究部總監譚朗蔚亦表示，若要成功置業，只好延遲享樂，減少去旅行及購物，現時置業相對困難，但年輕人唯有將就，為求上車，可考慮於非市區置業。「你話我老土都好，我覺得點都有層樓好啲。」他本人2011年結婚，早於2009年已成功上車做業主，今年7月更購入第2間物業，目標是買夠3塊磚頭，1間予自己與太太，另外2間分給兩個兒子。「依家買樓都咁難，到你個仔嗰陣咪仲難？」
為了盡早上車，他給予兩字真言－－「投資」。「冇錢都要創富，細有細碼投資，戶口多一蚊得一蚊。」他建議情侶可用月入的3成「自製月供」，即利用平均成本法，每月自律地月供股票，可揀公用股或房地產信託基金(REITs)，例如中電控股及領展房產基金，提供穩定派息；若想進取一點，可考慮買入科技股，例如騰訊控股及瑞聲科技，未來續受惠語音及虛擬實境技術。
數據顯示投資的確有助提早達標。以2011年起計，無論是投資港股、亞洲股市抑或標指，皆取得正回報。當中猶以騰訊表現突出，回報超過5倍。換句話說，當初投資6萬元購入騰訊後，即使不儲蓄，5年之後已可滾至逾30萬而成功上車。
======================================
究竟小情侶的上車夢有幾難，不妨睇睇以下90後小情侶嘅上車夢係點樣。
曾同學：「依家買樓首期成百萬，都唔知要儲幾耐，自己仲要還GRANT LOAN，壓力好大，身邊朋友都比較灰心。依家兼職賺嘅錢都係應付生活費，好難儲嚟買樓。雖然係想買樓，但寧願去旅行，因為到時日日番工都係為咗供樓，有機會想同女朋友想去多啲地方，去完返嚟再算，依家都填緊表排公屋。」
女朋友甄同學:「結婚都係一張紙姐。一齊供？我養埋佢呀。」
|
鍾意就快D Share啦！
|
|
|