拍《使徒行者》走紅，但冇同無綫續約嘅佘詩曼，冇得拍《使徒行者2》。唔緊要，釘姐唔拍你一部，大陸仲有大把金掘。
《使徒行者》電影版喺大陸大收6億人仔，擔正嘅佘詩曼已經賺到笑，好可惜吖，《使徒行者2》唔會有佢份，可能錯失一個再紅嘅機會，所以釘姐放晒聲氣想拍《使徒行者2》電影版。
未知開唔開戲唔緊要，大陸咁多金掘，得閒就上大陸節目曝吓光。喺《星廚駕到》袋一大筆之餘仲捱到總決賽， 曝光率賺咗，獎金又袋埋， 大陸咁多金掘，佘詩曼仲難得講自己私人嘢。
釘姐喺大陸搏命搵係有效果㗎，呢日喺圓方同梁麗翹行街，就有強國fans捉住佢集郵，好明顯北上掘金係明智之選！
來源 source: http://s.nextmedia.com
|
鍾意就快D Share啦！
|
|
|