恭喜晒！恭喜晒！36歲嘅熊黛林，今日突然喺微博宣佈：「我們結婚了！」仲貼咗張相，著上簡約白色長裙嘅熊黛林，手蹺住老公郭可頌，由於著上平底鞋嘅熊黛林身高仍高過佢老公，所以佢有微微烏低身，遷就二人嘅高度，見佢哋身在律師樓，應該剛簽完紙，而經理人阿Kim就幫佢做證婚人。熊黛林同郭可頌喺9月頭排期結婚，當時熊黛林回應話入咗紙可以三個月內先結，早前傳婚期喺11月頭趕完拍戲之後，點知一對新人今日就公開喜訊息!熊黛林出po後，兄長亦於微博轉貼並寫道:「我把妹妹托付給你了，好好對她，祝你們永遠幸福。」發出微博post廿分鐘，已經有1881個留言送上祝福，「恭喜你！真心希望你能幸福」、「祝福，找到真愛」、「很有夫妻相， 用幾十年去等待一個愛人是值得的」。經理人Kim回覆《蘋果》稱：「Lynn今日喺香港註冊，我好榮幸做佢見證人，佢係一個好乖女仔，好開心佢終於搵到佢Mr. Right，今日係值得一個慶祝日子，唔講太多啦，你哋留番聽日問Lynn。」
來源 source: http://s.nextmedia.com
|
鍾意就快D Share啦！
|
|
|